School kal hun ti danglam

Lunglei District-a Tlabung khua chu boruak lum leh uap in a tuam reng avang leh Power Supply a awm dawn loh avangin Vawiin leh nimin atan bik Zirna In kai hun tih danglam a ni.

Kan thu lakna in a tarlan danin tunlai hian Tlabung leh a chhehvela khaw lum lam chu a tehnaah 40°C a kai chho deuh reng avangin chhun lamah phei chuan khawlaia chhuah ngam a ni meuh lova, hetihlai hian Power and Electricity Department chuan nimin leh Vawiin lamah Shutdown tuma rua-hmanna an siam avangin MZP Sub-Hqrs. Tlabung chuan zirna In khar rih mai turin thuneitute an ngen a ni. Tlabung MZP hruaitute chuan Education Department hotuten an ngenna an ngaihtuah hnuah, zirna In khar chu remchang dawn chiah lo mah se, School kai hun erawh tihdanglam an remti a, Elementary bik chu zing dar 7:00 atanga chawhma dar 10:00 thleng leh Secondary School bik chu zing dar 6:30 atanga chawhma dar 10:30 thleng kai turin ruahmanna siam a ni tih an sawi.