Latest News

Kumin ah Mizoram-ah Cyber Crime thubuai 14 ziaklut tawh.

Mizoram-ah kum 2009 a\anga kumin 2014 inkar chhung hian Cyber Crime thubuai 37 ziahluh a ni tawh a, heng zinga 14 te chu kumin chhunga ziahluh a ni a. Hetihlai hian Mizoram-ah Cyber Crime Investigation Cell chu kumin May ni 21 khan din a ni tawh bawk.
Mizoram Police hnuaia Cyber Crime Cell chhinchhiah danin, kum 2009 khan Cyber Crime thubuai hi Mizoram-ah 2 ziahluh a awm a, 2010-ah 3, 2011-ah 5, 2012-ah 4, 2013-ah 9 leh 2014, August thla thleng khan thubuai ziahluh 14 a awm leh tawh a, 2009 a\anga kumin thlenga thubuai ziahluh tam ber chu saruak thlalak leh mipat hmeichhiatna hmang lai video thehdarh chungchang a ni. Thudawn danin kumin May 21 khan Mizoram Police, SP CID (Crime) hnuaiah Cyber Crime Investigation Cell din a ni a, helama harsatna nei chuan Police Station hnai berah FIR thehluh theih a ni a, hemi bawhzui hna leh hnuchhui hna hi Cyber Crime Cell hian an thawk \hin dawn a ni.
    Thudawn danin, Mizoram a Cyber Crime thubuai ziahluh hmasak ber chu May 20, 2009 khan thlengin, Reverend pakhat chuan SP Aizawl hnenah FIR a submit a. He FIR-a a lan dan chuan mi tu tih hriat loh ten a Email Password (HOTMAIL) chu lo thlak sakin, a Email Account hmang chuan a \hian hrang hrang mi engemaw zah hnenah; amah chu London a zina, a wallet ti bo vek leh Hotel Bill pawh pek tur nei tawh lo anga in sawi in, pawisa US Dollar 2500 chu Western Union kaltlanga puk tir turin an lo dil tih a hrechhuak a, hemi chungchangah hian action la turin Police hnenah a thlen a ni. He thilsual tih tumtu te hi Foreigners (Nigerian) lam mi ni a hriat an ni nghe nghe a ni.
    Cyber crime thlen chhan tam ber hi phuba laknan emaw, hlimhlawp nan emaw, sum leh pai hlawhchhuah nan emaw tih a ni thin tih thudawnna chuan sawiin, "Mizoram-ah erawh chuan hlimhlawp nan leh kan mi huat zawngte tih mualpho nan cyber crime hi tih a ni deuh ber a, Mizoram a kan buaipui ber erawh chu pornography (Saruak thlalak) leh copyright chungchang hi a ni," tiin, "Cyber crime te hi eng vakah mah kan ngai lova, dan te hi kan palzut mai mai a, kohhran leh khawtlangah pawh kan pawm zam lutuka, hei vang hian kan ram leh hnam hi la mualpho mai thei dinhmunah a ding mek a ni," a ti bawk.

Comments

Popular News (Last 30 Days)