ZMC atanga MBBS zirchhuah avangin lawmawm ti

MNF Party chuan Mizoram in Medical College a neih hmasak ber ZMC-a MBBS zirlai hmasa ber kum 2018-a zir tan ten April ni 30, 2024 a internship paltlang veka Doctor puitling 95 kan nei thei ta chu lawmawm an tih thu thuchhuah siamin an tarlang a. Hetianga Doctor puitling 95 zet kan neih takah chuan Hospital hrang hrang CHC/PHC leh Doctor indaihlohna hmunah nasa taka kan harsatna min phuhruk ngei an beisei thu an sawi bawk. Congress Party pawhin Mizo zirlai mi 75 leh State dang zirlai mi 20, an vaiin mi 95 ten ZMC atanga MBBS zirchhuaka, hlawhtlinna an chang ta chu lawmawm an tih thu sawiin, MBBS zirchhuak ta te chu an kal zelna turah duhsakna a hlan a, a thawktute pawh an kal zelna turah duhsakna an hlan bawk.