Latest News

YMA Volleyball intihsiakna lian buatsaih tum mek a ni.

YMA Sub-Hqrs. Serchhip buatsaihin ‘C. Laltea Memorial Inter-Branch YMA Volleyball Tournament’ chu Oct. 21, 2014 a\ang khian Serchhip-ah khelh tum a ni.
He Tournament khelh tur khuhhawnna hi Inrinni kalta, Sept. 27, 2014 khan YMA Sub-Hqrs. Serchhip Office-ah neih a ni a, he hun hi Pu David Laldintluanga, Chairman, Sports & Recreation Sub-Committee, YMA Sub-Hqrs. Serchhip chuan kaihruaiin Pu R. Sanghmingthanga, Secretary, YMA Sub-Hqrs. Serchhip chuan kumin March thla a YMA Sub-Hqrs. Conference Vawi 4-na in a rel angin he Tournament hi buatsaih tum a nih thu leh he hmalakna tih hlawhtlin a nih theihna tura Pu C. Lalramzauva te Unau in lawmman tum sak an inhuam chu lawmawm a tih thu sawiin, YMA Sub-Hqrs. huamchhunga Branch 70 awm te chu tel \heuh turin a sawm nghal bawk. He hunah hian Pu K. Tlangthanmawia, President, Serchhip District Volleyball Association pawhin Volleyball tihlar leh tih hmasawn chu an pawl thil tum anih thu sawiin, chutihlaia YMA Sub-Hqrs. in Tournament \ha tak buatsaih an tum chu lawmawm a tih thu leh an pawl tan chuan malsawmna a nih thu a sawi bawk.
    He hunah hian he Tournament-a lawmman tumtu tur, Pu C. Lalramzauva te chhungkua a\angin Dr. C. Sangluaii, New Serchhip pawhin YMA in Tournament sponsore tura an ngenna chu Serchhip khua leh tui an nihna anga lawm taka an pawm thu sawiin, Serchhip khua an nihna angin an tih theih tawk chu tih zel an inhuam thu a sawi a, he Tournament hi hlawhtling taka neih a nih theihna tura tel \heuh tura YMA Branch te chu sawmin, he Tournament hming an puttir tur, Pu C. Laltea chanchin hrang hrang a tarlang bawk. Ruahman lawk ang chuan he Tournament hi Oct. 21-25, 2014 a khelh tur niin a tel duhte tan Oct. 15, 2014 thlengin Entry Fee pek tur a ni a, Mipa leh Hmeichhia tan inelna hi neih tur niin lawmman pawh Mipa leh Hmeichhia hi a inang a siam a ni anga, Champion in Rs. 10,000/- leh Trophy dawng ve vein pahnihna in Rs. 7000 leh Trophy an dawng ve ve anga, pathumna in Rs. 5000/- ve ve an dawn dawn bakah a tel zawng zawngte hnenah lawmman Rs. 1000/- \heuh pek tura ruahman a ni bawk.

Comments

Popular News (Last 30 Days)