Champhai Chhangphut Field-a cheng nuai 412 senga Synthetic Turf phah thar chu nimin Oct. 30, 2014 khan Chief Minister, Pu Lal Thanhawla chuan a hawng.
Nimin a Synthetic Turf phah thar hawnna inkhawm ah hian Chief Minister chuan \halaite chu hnam rotling (assets) ni tura chahin \halaite khawvel thar din tura Congress sorkarin hma a lakna chu a takin a thleng mek niin a sawi a. "|halaite khawvel thar kan buatsaih mek a, Mizo \halaite hi khawvel ah tute dawttu mah ni lovin a ber in ni thei," tiin Chief Minister chuan chung te hria chuan infiamna hhmunhma \ha zawk leh zirtirtu \ha zawk Sports Minister in a buatsaih thu leh Boxing bikah pawh district tinah hmunhma siam mek a nih thu a sawi a. He Field panna kawng chu a \hat tawkloh avangin cheng nuai 15 sengin PWD in an siam\hat tur thu a sawi bawk. He hunah hian Sports Minister, Pu Zodintluanga pawhin Chief Minister in Aizawl Assam Rifles Lammual-a Turf phah a tiam a tihhlawhtlin ang bawkin nikum August ni 1-a Chhangphut Field ngeia khelmual \ha pek a tiam chu a tihlawhtling leh ta tih sawiin, Champhai Zotlang-ah Stadium puitling 8 lane Synthetic Tract (400 meters) siam mek a nih thu a sawi bawk. Champhai Chhangphut Field-a Turf phahna tur hian Govt of India, Ministry of Youth Affairs & Sports hnuaia Urban Infrastructure Scheme a\angin July 16, 2013 khan approval dawn a ni a, 1st August 2013 khan Chief Minister in lungphum phumin Tender chhuah a ni a, Lushai Engineers Ramhlun in changin Aug. 19, 2013 khan cheng nuai 412-a phah turin World Order pek an ni. He Field hi a dung 110 mts leh a vang 75 mts niin Line hi 105 mts leh 70 mts a rin niin Turf hi International Standard niin Soccer's Pro MS 60 Limonta Sports Company, Italy siam a ni. Turf bakah hian a hungna leh Eng siamna atan Rs. 32,02,600/- sen niin Oct. 11, 2014 khan \ha taka zawhfel a ni.
.jpeg)
Comments
Post a Comment