Village Population Registration Format tur thlirho.

Central YMA chuan nimin khan state sorkar \awiawma Village Population Registation hmanga Chakma Census neih tur bawhzuina kal zelah Home Minister Pu R Lalzirliana hovin Census neihna tur 'Format' an tlirho.

Central YMA President Pu Lalbiakzuala sawi danin, Home Minister pawhin he thil hi a pawimawh avangin chhiarpui neihna tur 'Format' chu \ha zawk leh duhthusam zawk anih theih nan ennawn an duh ve tho tih a hrilh a, hetiang anih avang hian a 'Format' chu hawnin lo zirchiang se rawtna an neih ang angte leh siam belh emaw tihdanglam ngai emaw te pawh rawn ti chiangin a ranglamin in biak leh nise an ti a ni. Central YMA President chuan an hma lawkah YMA khawmpui a awm avangin hmanhmawh taka tih ngai ni mahse mumal taka enho anih theih nan YMA Conference zawhah Central YMA Commitee chuan zirchiangin rawtna te hi a thlen leh tur thu a sawi a, he Format ah hian chhungkaw chanchin bik ziakna tur 'Remark' Column awm ngei se an duh thu a sawi bawk.