Art & Culture leh Revenue Deptt. hmachhawp sawiho.

Chief Minister Pu Lal Thanhawla’n department tin ten kalphung thar leh hmasawnna tura ruahmanna mumal an duante sawihona kal zelah nimin Sept. 24, 2014 khan Pu R. Romawia enkawl Department hrang hrang hmachhawp te a sawipui.

He sawihona Chief Minister Office Cabinet Room-a neih ah hian Art & Culture department in hmachhawp an neih zingah ‘State Policy on Culture’ an duan thar chu kalpui a pawimawh thu leh he policy-ah hian Mizo hnam nunphung leh hnamziate chak zawka humhalh leh pholan anih theih dan turte sawilan a ni a. Land Revenue & Settlement department hmachhawp an sawiho zingah Land Mapping \ha tak neih \ul thu leh Stamp & Registration ah ram kan neihte register vek a \ulziate sawihoin, hei hian revenue lamah pawh kan ziaawm phah ngei a beiseiawm thu sawilan a ni a. Ram buai avanga Court case an neih tam thu leh hei hian indaihlohna te, tha leh hun a heh dante sawiho niin, department tan a ziaawm theih beiseiin ‘Legal & Dispute Cell’ din mai nise an ti a. Land record tih chak a tul thute an sawiho bawk a ni.