Latest News

Lengpui khua ah NLUP dawngtu mi 65 hmu zolo!

Mamit East MNF Block chuan Lengpui khuaa NLUP dawngtu a sawi mi 65 te chu Lengpui khua ah an hmu zolo tih an sawi.
Mamit East MNF Block Secretary, Vanlal-rawna chuan nimin Sept. 24, 2014 khan thuthar lakhawmtute kawmin he thu hi a sawi a. He hunah hian Lengpui khuaa NLUP dawngtu chhungkaw zat, dawngtu hming, dawn zat leh dawn kum te RTI dan hmanga an zawh thu leh hemi chhanna an hmuh ah Lengpui khua a NLUP \anpuina dawng zawng zawng chu mi 481 an nih thu leh heng zinga mi 9 chuan NLUP \anpuina hi an dawng silo niin a sawi a. Hei bakah hian RTI list-a Lengpui khua, NLUP dawng anga an tarlan mi 65 te chu Lengpui khua a awmlo (E/Roll a awmlo) an nih thu leh heng mi 65 te hi Village Council hotute nen E/Roll leh Job Card thlenga enin Lengpui khua ah an hmu zolo niin a sawi a. Heng mi an hmuh zawhloh 65 leh \anpuina dawng lo mi 9, an vaiin mi 74 te sum dawn tawh anga tarlan belhkhawm chu Rs. 8,25,000/- a nih thu pawh sawiin, heng mite hian an dawn tur ang an dawng vek tho a nih chuan a vaiin Rs. 74,00,000/- a bothlau dawn tihna nia sawiin, hetiang hi a nih avangin Congress Sorkar ah hlemhletna lian tak a awm ngeiah an ngai tih he hunah hian a sawi bawk.

Comments

Popular News (Last 30 Days)