Kumdang aiin kumin thla 8 chhungin ruahtui tla a tlem.

Science & Technology Department chhinchhiah danin kumin 2014, January a\anga August thla tawp thleng khan Mizoram-ah ruahtui mm 1310.08 chauh ala tla a, kumdang ngaihtuahin ruahtui tla hi ala tlem ni a hriat a ni.

Kumin 2014 chhunga ruahtui tla chhinchhiah chin hi thla liamta August thla thleng kha niin, Science & Technology department a Engineer te chuan tun September thla kan hman meka ruahtui tlak dan hi khaikhawm ala nilo a, tun thla chhunga ruahtui tla hi a tam hle niin an sawi. Kumin January a\anga August thla inkar chhunga ruahtui tla zawng zawng hi a vaiin mm 1310.08 a ni a, kumin a ruahtui tlak tam ber thla July ah ruahtui mm 376 a tla a, hetihlai hian nikum 2014 chhunga ruahtui tlak tam ber May ah mm 458.04 a tla thung a ni. Kumin January - August a ruahtui tla zawng zawng hi mm 1310.08 a nih lai hian nikum 2013, January - August thla chhunga ruahtui tla zawng zawng chu mm 1521.08 a tling a, nikum aia kumin a ruahtui tla tlemna hi mm 211 a ni.
    Kumin leh nikum January thla ah ruahtui a tla lo ve ve a, kumin February ah ruahtui mm 15 a tlak laiin, nikum ah mm 3.03 a tla a, kumin March ah mm 16.02 tla in, nikum March ah mm 4.07 a tla a, kumin April ah mm 45.01 a tlak laiin, nikum April ah mm 64.09 a tla a, kumin May ah mm 276.01 a tlak laiin, nikum May thla ah mm 458.04 zet a tla thung. Kumin June thla ah mm 333 tla in, nikum June ah mm 301.08 a tla a, kumin July ah mm 376.08 a tlak laiin, nikum July ah mm 316.08 a tla a, kumin August ah mm 248.06 a tlak laiin, nikum August ah mm 371.09 a tla a, nikum September ah ruahtui mm 301.09 tla in, October ah mm 126.04 a tla a, November leh December ah ruahtui tla a awmlo ve ve thung.
    Science & Technology Department chhinchhiah danin, kumin hian khaw lum leh vawh chungchangah kumdang nen khaikhinin danglamna a awm hran lo a, tawrh har khawpa khaw vawt leh khaw lum lutuk a awm lo bawk a, he an chhinchhiahna a\anga alan danin kum 19 (1996-2014) chhunga khaw vawh ber chu January 14, 2012 khan thlengin khaw vawh lam hi 5.06 degree Celcius a ni. Hemi hun chhung veka khaw lum ber chu April ni 8, 2001 niin 35.40 degree Celcius a ni bawk. Kumin chhung veka khaw vawh ni ber chu February ni 18 niin 5.09 degree celcius a ni.