YMA in Assam atanga ruihhlo lo lut thin an enfiah

Assam State atanga Mizoram-a ruihhlo lo lut thin ni a sawi te enfiahin tunkar Thawhlehni khan Central YMA Kumpuan Committee te leh Cachar Young Muslim Association hruaitute an inkawm.

Central YMA Kumpuan Committee leh Cachar Young Muslim Association te inkawmna ah hian Assam atanga ruihhlo lo luh dan leh lo lut thin ni a hriat te sawiho a nih bakah a tihtawp dan turah ruahmanna siamho a ni a. Hei bakah hian Central YMA Kumpuan Committee te hian Vairengte-a Police Check Gate a duty te pawh kawmin Temporary ILP pekchhuah dan leh hnamdang ILP neilo lut ru an awm thin dan te sawiho a ni bawk.

Vairengte SDO (Civil) hnen atanga thu dawn danin April, 2023 atanga March, 2024 (kum khat) chhunga Temporary ILP pekchhuah zat chu 53,231 a ni.

Central YMA Kumpuan Committee te hian nimin, May ni 1, 2024 (Nilaini) zing dar 2:00 vel khan Kawnpui leh Khamrâng inkarah eirawngbawlna Gas tihchingpen lai nangchingin Gas bur engemaw zat leh an hmanrua te man a nih thu an sawi bawk a. Tunlai hian eirawngbawlna Gas tihchingpen a hluar chho hle nia sawiin, mipui ten an Gas lak te a buk a dik em tih finfiah a buk zel turin an ngen bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man