Bilkhawthlir bulah hnamdang 2 rukbo an ni.

Bilkhawthlir leh Buhchangphai inkarah misual tu tih hriat lohten hnamdang 2 an ru bo.

Hemi chungchanga Bilkhawthlir Police te sawi danin, misualin an rukbote hi Bagha lam mi Prabot Das leh a \hianpa Moruddin Lasker te an ni a, misualte hian niminpiah (Oct. 20, 2014) chawhnu dar 2:00 vel khan Bagha a\angin Prabot Das-a Mini bus chu Bilkhawthlir bul Haipheng-a dah turin an Hire-a, nizan hmasa dar 8:00 thleng pawh a an haw loh avangin motor khalhtu leh neitu nibawk Prabot Das-a nupui chuan an pa hi phone-a biak a tum a, a chhan tak loh avangin nimin khan an chhungkhat ten ngaihvenin, an motor hian Vairengte checkgate paltlangin Mizoram chu an lut ngei tih an finfiah hnuah Bilkhawthlir leh Buhchang inkar, Bilkhawthlir a\anga Kilometre 4 velah an motor hi an hmu a, a hmunah hian Prabot Das-a mobile phone, chappal leh silaimu tihpuah theihna tura tui pipe siam danglam hmuh a ni a, an chhungte hian Bilkhawthlir Police hriattir nghalin, Vairengte SDPO Pu Remlalliana Hnamte leh Bilkhawthlir Police ten thil awmdan an chhui chiang mek a ni. Heng mi pahnih rubotute hian nimin chhun dar 11:56 khan Prabot Das-a Mobile phone-ah rawn biain, Moruddin leh Prabot Das te chu an rubo tih an rawn sawi a, misualte hian tutenge an nih erawh an insawi lo a ni.