Dan hnuaiah, dik tak chunga induhsak tum

Agriculture Minister PC. Vanlalruata chuan Dan hnuaiah, dik tak chunga induhsak theihna a awm a nih chuan an induhsak ang tih a sawi.

ZPM Party in nimin-a Aizawl-a Chhung Inkhawm an neih ah Agriculture Minister PC. Vanlalruata chuan theihtawp leh dik thei ang bera kal an tum mek karah nasa taka beih an tawk tih sawiin, Politics-ah chuan hetiang hi thil kalphung a nih thu leh Lalpa malsawm ram rim nam din an tum thu a sawi a. ‘Ka eiru lovang’ tia bultantu te an nih thu pawh sawiin, “Dik takin kan kal mek a, Contract leh Supply-ah percent chan ve kan tum lo. Vawiin ah hian mipuite avanga MLA leh Minister ni thei kan ni a, ZPM party tana hah taka thawktute pawh an zahawm hle a ni. Dan hnuaiah, dik tak chunga induhsak theihna a awm a nih chuan kan induhsak ang tih ka sawi duh a, hei hi kalphung dik lo a ni lo. Mahse duham lo ila, eiru lo bawk ila, ‘Sem sem dam dam, Ei bil thi thi’ tih hi kan thupui nise tih hi ka duh ber a ni,” a ti bawk.

Agriculture Minister chuan an intiam angin Sawhthing, Hmarcha, Aieng leh Hmunphiah te an lei ngei dawn tih pawh sawiin, “A bikin Sawhthing chin tum an tam a, a chi ringawt pawh lei tur tunah hian a vang tawh a ni. Lo ching ula, kan lei ngei ang tih kuthnathawktute kan chah nawn a, lo taima chhunzawm zel rawh u,” a ti a. “Society hmangin kan ram kan din thar dawn a, kum tam lo hlawhchhampui tawh a nih avangin a din dan turah pawh uluk takin ruahmanna kan kalpui mek a ni. Buh leh bal-a intodelhna tura ruahmanna kan siamah kalphung thar, Mipui sawrkar hian eptu bial kan thliar dawn lova, kan zavai huap a nih dawn avangin taima apiang an hlawhtling mai dawn a ni,” a ti bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man