Serchhip District Sports Committee thutkhawm nei

Serchhip District Sports Committee (SD-SC) chu nimin khan an Chairman leh Bawrhsap David Lalthantluanga hova thukhawmin hmalakna tur hrang hrang an sawiho.
Serchhip DC Meeting Room-a SDSC thutkhawm ah hian Serchhip Sports Complex ram Land Lease neih dan tur chungchang sawiho niin thutkhawm hmasa in a lo rel tawh anga Land Lease siam bawhzui a nih dan leh a area-a khawtlang hruaitute nena inbiak-remna an neih dan te tarlan a ni a. Inbiakremna an lo neih tawh dan anga ramri then chu pawm niin Land Lease chu rang lama siam ni se an ti a. SDSC ram china Sports Discpline hrang hrang te hmunhma tur chu uluk zawka zirchian nise; kawngpui kalna tur te, lirthei hunna tur leh Food Stall awmna tur thlenga ruahmanna siamin Master Plan siam nise, he Plan chhungah hian Association te zinga hma lo la tawh te leh hma la hmasa thei tur te chu ngaih pawimawh nise an ti a. Master Plan mumal taka siam a nih hnuah tha tharin Sports Association hrang hrang te hmunhma tur pawh a tul anga ngaihtuah nawn leh nise an ti.

SDSC thukhawm hian Mizoram State Sports Council atanga sum lo kal te chu Ser-chhip District chhunga infiammite hmasawnna turin Association theuh ten tangkai tak leh a daihzai thei ang bera an hman theih nan a sem dan tur leh hman dan tur chipchiara duan tha tiin, thutkhawm lo awm leh turah ngaihtuah nise an ti bawk.

Serchhip District Sports Committee (SDSC) hnuaiah hian Sports discipline hrang hranga Association te an inziaklut a. Heng Sports Association te hian an discipline theuha infiammi te hmasawnna tur ngaihtuahin Coaching, Training, Tournament leh thil tul dang te an buatsaih thin a. Nimin-a Meeting-ah hian Association hruaitute chuan an hmalak mekna te leh an discipline theuha hlawhtlinna an neih dan te an tar-lang bawk a ni.

Comments

Popular News (Last 30 Days)

LPG man bithliah thar