Raltlan chungchang sawiho

Nimin khan Champhai-ah District Level Committee on Myanmar and Bangladesh Refugee chu an Chairman leh District Bawrhsap James Lalrinchhana hovin an thukhawm.

He thutkhawm DC Conference Hall-a neih ah hian April ni 27, 2024 thleng khan Champhai District chhunga khua 47-ah te raltlan 14,499 an awm thu tarlan a ni a; puitling zingah mipa 4,245 leh hmeichhia 4,524 awmin heng bakah hian naupang 5,730 an awm bawk a ni. Champhai District-ah hian Relief Camp 23 awm mekin raltlan zinga mi 6,346 te chu Relief Camp-ah chengin, 8,153 te Relief Camp pawn lamah an cheng a. Raltlan zawng zawng 14,499 te Profiling tih a ni a; mi 9,488 te Temporary ID pekchhuah tawh an ni.

He Meeting hian ‘Village Level Committee on Myanmar Refugees’ chu Sawrkar thuchhuah zulzuiin ‘Village Level Committee on Myanmar and Bangladesh Refugees’ ti a thlak an remti a. Raltlante chu hriatthiamna avanga awm an nih avangin ram dan leh dun zamte ngaipawimawh fo tur leh dan pela che lo tura beisei an nih thu tarlan a ni a. Raltlan leh khawtual mite inkarah inhriatthiam lohna a awm loh nan leh inkaihhruaina siamte tha taka zawm a nih theih dan turte an sawiho bawk.

Comments

Popular News (Last 30 Days)

LPG man bithliah thar