KTP ten Thisen Unit 29 an pe

/

Kristian Thalai Pawl (KTP) New Serchhip Branch te chuan kum 44 an tlin lawmna chikhat atan Inrinnik han Serchhip District Hospital Blood Bank a dah turin thisen Unit 29 an pe a, thisen petute hi mipa 24 leh hmeichhia 5 niin heng mi tlawmngai te hi Blood Bank-ah kalin thisen hi an pe a, Blood Bank-a thawktu ten an lo lak sak a ni. KTP New Serchhip Branch te hian nimin, May 5, 2024 khan kum 44 an tling a, KTP New Serchhip Branch hi New Serchhip Bial-a KTP Branch lian ber leh Member tamna ber an ni.

Comments

Post a Comment

Popular News (Last 30 Days)

Vawiin-ah HSLC result

/
Image
Mizoram Board of School Education (MB-SE) chuan kum 2024 HSLC Exam Result chu Vawiin hian a tichhuak dawn ta a, Vawiin chhun dar 12:00 hian HSLC Exam result hi tarchhuah tur niin anmahni (MBSE) pisa, Chaltlang, Aizawl-ah leh internet kaltlangin www.mbse.edu.in leh www.mbseonline.com ah te en theih a nih dawn bakah a mamawh tan result bu a lei theih dawn a. Office hun chhungin WhatsApp leh phone call hmangin Ph. No.  9863883041 leh 9863722521 te biak theih a ni dawn bawk a ni.
Kimchang zawkin »

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »