‘Buh thar tam kum’ atan AMFU in puang dawn

All Mizoram Farmers’ Union (AM-FU) chuan kumthar 2015-2016 chu ‘Buh thar tam kum’ ah puan nise an ti.

AMFU Gen. Hqrs. hian nimin Oct. 15, 2014 khan Agriculture Department Committee Room, Aizawl-ah Executive Committee Meeting neiin Mizoram-ah buh tam zawk thar anih theihnan leh Rail kawng siam\hat anih vanga Mega Block vanga harsatna awm tur lo hma-chhawnna turin kum 2015-2016 hi ‘Buh thar tam kum’ ah puan nise an ti a. Kum-puan hi a hlawhtlin theihnan Committee pawh siam nghalin Kumpuan Committee hi AMFU District Hqrs. zawng zawng bakah Sub-Divisional Hqrs. zawng zawngah te din nise an ti bawk.
    Hei bakah hian AMFU chuan Mizoram hmun hrang hrangah mi \henkhat kuthlei vang leh inthlahdah avanga kumtin mai ram nasa taka kang \hin leh hemi avanga ramngaw leh nungcha tam tak tih chereu mai bakah nunna chan phah hialte pawh an awm \hin leh kuthnathawktu ten tha leh zung mai bakah sum leh pai tam tak senga hma an laknaa an huan thlai kangchhe \hin chungchang pawh sawiho in, hetiang a nih laia ram tikangtu manchhuah leh hriatchhuah an nih pawha hremna mumal leh inchawitirna Dan mumal awmlo chu \halo an ti tak zet tih sawiin, Ram kang venna tur Dan \ha a rang lama a awm theih nan a \ul anga hmalak nise tiin, mawh-phurtu tur pawh an inruat nghal bawk.