Mizoram sorkar sum hman dan zirchianna neih a ni.

Mizoram sorkar Finance Department hotute leh State Planning Board a hotute chuan nimin khan October, 2012 a\anga March, 2013 inkar leh April, 2013 a\anga September,2014 inkara Mizoram sorkar sum hmanna hrang hrangte zirchiangin Mizoram sum dinhmun te an sawiho.

He hun, Public Expenditure Review Committee hi Finance Minister, Pu Lalsawta chuan kaihruaiin Finance Commissioner Pi LN. Tochhawng chuan Department hrang hrangte sum hman dan leh duhthusam lo lai te a tarlang a, Finance Department in Mizoram sorkar hnuaia hmalakna hrang hrang te leh a \ulna ang sum hman dan tur \ha leh awmze nei zawka a hriat ruahmanna leh rawtna a siam te pawh sawiho nghal a ni.
    He hunah hian Finance Department chuan Non-plan senso pungzel chu a theih anga khuah-khirh chhunzawm zel ni se tiin rawtna an siam a, dawng pha chin nilo, an Deptt. in an kawl avanga lirthei hmangtu, Joint Director, Deputy Director, Deputy Secretary, Under Secretary leh officer dang te tam tak an awm tih hriat a ni a. Hei hian nasa takin POL mamawhna a ti sang a, sorkarin sum tam tak a sen a ngaih phah avangin tihtawp a nih thuai nan leh lirthei chuangliam Department ten an kawl mek 200 aia tam mah chu awmze neia hman a nih theih nana hmalak a \ul thu pawh sawiho a ni. Heng bakah hian Department \henkhat CSS kalpui ten vantlang inkhawm an huaihawt in DA an sem \hin tih hriat a ni a, heng te hi chhuichian a dan kalh a nih chuan tihtawp rawt a ni a. Tui in tur pekchhuahna atan sum hman leh mipui tui bill chhunluh inmil lo lutuk leh chawibelh nasa ta lutuk pawh enfiah rawt a ni. Department tam zawkin an hmanral tur sum tuk te hmang \ha fu si in sorkar a revenue an chhunluh ve tur erawh an ngaihthah tlangpui tih Finance Department Report chuan a tarlang bawk.