Serchhip-a tlawmngai pawl, Joint VC leh Political Party aiawhte thukhawm chuan Serchhip P&E Veng-a BDO Office building thar sak tum chu an rem tihlohna thuneitute hnenah thlen nise an ti.
Serchhip District Anti-Tobacco Squad te Inrinni kalta zing khan Serchhip Bazar leh a chhehvel-ah Squad Drive neiin dan in a phallohna hmuna mei zu mi 4 an man a, heng mite hi Dan angin pawisa chawitir an ni. Hemi hmalam hian sorkar Pisa hrang hrangah Squad Drive hi an lo nei tawh bawk a, heng ah te hian Awareness campaign neih nghal zel a ni bawk.
Nizan hmasa a Aizawl Zotlang-a boral Laldinpuii (30) chu Serchhip-a a ruang rawn lak a nih hnuah nizan khan vuiliam niin he thihna thleng hi chhuifiah a nih theihna turin a chhungte chuan Police-ah FIR an thehlut.
Serchhip District chhunga khaw pahnih, Serchhip leh Thenzawl-ah te sawrkar in Two Wheeler Taxi Service tir a tum angin Serchhip-ah chuan Two Wheeler Taxi hi an Service tan dawn hnai nia hriat a ni a. Two Wheeler Taxi Permit hi mi 174 te hnenah pekchhuah a ni tawh nia thudawn a ni.
Comments
Post a Comment