ASF vanga thi nia rinhlelh Vawk sample lak a ni
Serchhip-a District AH & Vety Officer Dr. H. Vanlalrawna chuan Pathianni khan Khumtung khuaa Vawk thi pakhat a awm thu leh RAT hmanga enfiahin ASF a kai lo nia an hriat thu LENKAWL a hrilh a. Nimin lamah Vawk thi pakhat awm lehin hei hi RAT hmanga an enfiah hnuah ASF vanga thi nia rinhlelh a nih avangin a Sample hi enfiah tura an lak thu leh hmunpui zawkah enfiah tura an thawn dawn thu a sawi a, Serchhip District nena ramri intawm District thenkhat ah ASF hri leng a awm avangin mipuite chu hri leng palh thei lakah fimkhur se an duh thu a sawi a ni.
Serchhip DVO hian nimin vek khan Ser-chhip District chhunga Village Council hrang hrangte pawh lehkha thawnin tunlai hian Mizoram chhung District hrang hrangah African Swine Fever (ASF) vangin Vawk engemawzat an thih thu leh khaw thenkhat chu Vawk hri lenna hmun (Infected Area) ah puan a nih thu a tarlang a. Serchhip District chhunga Village Council tin te chu mahni huamchhungah Vawk hri a luh loh nan theihtawp chhuahpui tur leh khaw dang atanga Vawk lalut lo tur leh thawnchhuak lo tura mahni khaw mipuite lo hrilh turin a ngen a. Hei hi a zau thei anga lo puanzar sak turin a ngen bawk a ni.
Comments
Post a Comment