Latest News

Kum chanve chhunga nu leh nau hriselna tura Sorkar hmalak dan thlirletna neih a ni.

National Health Mission (NHM) hnuaia nu leh nau hriselna tura sorkar hmalakna programme pakhat, Reproductive Child Health (RCH) Programme Mizoram-ah bawhzui a nih dan thlirletna chu nimin khan neih a ni. 
Mizoram-a RCH Programme kum chanve (April-Sept. 2014) chhung bawhzui a nih dan thlirlet nimin Oct. 21, 2014-a Directorate of Health Services Conference Hall-a neih hi Health Minister, Pu Lal Thanzara chuan hmanpuiin ram leh hnam hmasawnna lungphum pawimawh ber te zinga mi hriselna kawnga hnathawktu, Health Department chuan a mawhphurhna a hlen ngei ngei a ngai tih sawiin, Health care programme hrang hranga a hmalakna ah a hnungtawlh thianglo mai nilovin hma a sawn zel tur a nih thu sawiin, Registrar General of India, SRS 2013 tarlan dan chuan Mizoram IMR chu a vantlang pawl, 35 ni mahse thingtlang leh khawpui ah inthlauhna a zau lutuk a, nasa zawka hna thawh a ngai a ni tih a chiang a ni, a ti a. District \henkhata Specialist Doctor awmlohna leh a chhan te enfiahin rualkai zawkin Doctor Posting siam a nih tur thu leh Hard posting-a awm rei chhung tur pawh siam anih tur thu a sawi bawk.
    He huna tarlan a nih dan chuan kumin April ni 1 khan Mizoram a mihring 11,37,684 awm zingah hmeichhia, sorkar phalna anga kum tling pasal neia fa nei thei chin 1,35,495 an awm a, April-September 2014 chhung khan Damdawi In (Health Institution) ah naupai inziaklut 12,628 awmin hemi chhung hian nungdama naupiang 10,760 zingah damdawi In a nau piang 9780 an awm a ni. Hemi chhung hian mipa insiam report a awm lova, hmeichhe insiam 857 awm tawhin indanna copper-T dah 1314 an awm thung a, hemi chhung vek hian Nu, naupai kaihhnawih a thi (Maternal Death) 13 awm in MMR 121 a ni a, nausen kum 1 hnuailam thi (infant death) 387 awm in IMR 36 a ni bawk.

Comments

Popular News (Last 30 Days)