Kum upa te tana Table Tennis-a inelna buatsaih a ni

Serchhip District Table Tennis Association (SCDTTA) buatsaih Mizoram Veteran Table Tennis Tournament, Hranghlui Kutpui Hranghlui Nopui chu Inrinni khan SCDTTA Hall, New Serchhip ah khelh a ni.

‘Taksa dam nan Table Tennis’ tih thupui hmanga kum upa te tana Table Tennis-a inelna hi Serchhip District Sports Committee-a Asst. Secretary Vanlalhruaia chuan hmanpuiin kum upa zawk ten hriselna tha an neih zel theihna tur leh naupang zawkte chherna atan leh phurna an neih theihna tura hetiang inelna buatsaih a ni chu lawmawm a ih thu a sawi a, hei mai bakah kum upa zawk ten Table Tennis-a inelna hmachhawn thei tura khaw dang atanga Serchhip an la rawn kal peih chu lawmawm a tih thu sawiin, hetiang hun buatsaih a nih chu lawmawm a tih thu a sawi bawk a ni.

Serchhip District Table Tennis Association Vice President T. Hrangsiama kaihhruai he hunah hian Lalpianmawia Sailo chuan Technical Report a pe a, tun tum inelna ah hian Serchhip bakah Aizawl leh Lunglei atangin Table Tennis khel tur an kalkhawm a, Mipa tan kum 40 chunglam tan Category panga (5)-ah inelna buatsaih niin Hmeichhe lam ah kum 50 chunglam tan Category pahnih ah inelna buatsaih a ni bawk a, Category hrang hranga khel turin mi 41 an inziaklut a, Inrinni tlai khan khelh zawh nghal a ni.