Hnam thuthlung kengtu an nihna ah MNF te infuih that deuh deuh a tul niin hria

MNF Core Committee Member R. Tlanghmingthanga chuan Hnam thuthlung kengtu MNF an nihnaah an infuih that deuh deuh a tul tih a sawi.

MNF Party in nimin-a Aizawl-a Chhung Inkhawm an neih ah MNF Core Committee Member leh Minister hlui R. Tlanghmingthanga chuan an nihna dik tak an inzirtir tawk lo thin nia a hriat thu sawiin, “Pathian min siam chhan hrechhuak a, tipuitling tura bei tur kan ni,” a ti. “Kan Founder President Pu Laldenga ho khan Vai tlangvalin Mizo nula an kalpui ral ral kan hmuh khan kan rilru a na a, Vai tlangvalin Mizo nula an kalpui a nih chuan an karah kan tlazep ngam tur a ni kan ti a, chumi ti ngam lo chu pawnfen feng tlak kan ni tihna a ni,” a ti a. “Laldenga leh a thuihhruai khan Mizo Hnam humhalh thupui bera neiin, Hnam damna tura thawhna hmanraw tha ber chu Independent a ni a, Independent puang tur chuan he Mizo National Front hi a lo piang ta a ni,” a ti.

He Hnam thuthlung kengtu chu MNF an nih thu pawh R. Tlang-hmingthanga chuan sawiin, “Kan pasaltha ten kum 20 zet thi leh thau pawlha nunna thapin an bei a, hnam ral lohna tur leh min chimral lohna turin India mipui danna atana Independent kan sual a ni tih an hria a. Inremna atan pawh phal takin, In State boundary chhungah in sawrkar thu lovin tumah an lo lut lovang a, in State inenkawlna senso indaihlohna pawh Special Category State enkawlna zul zuiin enkawl in ni ang, tih chu India Constitution Article 371G ah dahluh a lo ni ta a ni,” a ti bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar