Serchhip-ah Zonunmawi leh Career Awareness Campaign nei.

YMA Sub-Hqrs. Serchhip-a Education & Youth Affairs Sub-Committee buatsaih in nimin Oct. 8, 2014 khan Zonunmawi leh Career Awareness Campaign neih a ni.

He Awareness Campaign, BNRGSK Hall, Serchhip-a neih ah hian Serchhip khawpui chhunga Higher Secondary School pahnih a\angin zirlaite an tel a, Pu Vanneihtluanga leh Pu Lalnghinglova Hmar (Tete-a) te Resource Person atan hman an ni. He hunah hian Pu Vanneihtluanga chuan zirlaite chu aia upate zahna chang hre thar leh tur te, hautak lo zawka khawsak zir tur leh ngaihsan tur dik hre turin a chah a, ruihhlo leh incheina atchilh lo tur te, cell phone leh internet te chu kan hmang a nih pawha a \angkai thei ang ber zawnga hman tum hram hram tura fuihin, zilaite chu kum naupangte an la nih lai a\anga eiraltu ringawt ni lova sum khawl nachang hre tur leh hmalam hun atana ruahmanna \ha neih nachang hriat tum turin a chah bawk.
    He hunah hian Sub Hqrs YMA Education & Youth Affairs Sub-Committee Chairman, Pu C. Lalramliana kaihhruai a neih ah hian Pu Lalnghinglova Hmar pawhin kan Mizo khawtlang nunphunga Media hnathawh leh a nghawng te sawiin, Media hian Mizote chu a huho nun a\angin mahni mimal khawvelah a hruai lut mek a ni tiin tleirawl rual kalkhawmte chu ngaihsan tur dik leh ngaihhlut tur \ha te hre turin TV en a tawk lova, lehkhabu kan chhiar tam a ngai a ni, a ti a, Zonunmawi hi Export Quality a ni a, tu hnam mah hi Mizo \halai te tan an tum a ngai lo a ti bawk