MIS 2024 Batch ten Kolasib District an tlawh

District Information & Public Relations Office-a hnathawh dan leh inrelbawl dan kalhmangte zirchiang turin, Mizoram Information Service 2024 Batch-te chuan nimin khan Kolasib an tlawh.

Mizoram Information Service 2024 batch-te hian ‘District Office Orientation Program’ nei turin Kolasib, Lunglei leh Champhai District-te an tlawh dawn a, a hmasa ber atan nimin khan Kolasib DIPRO Office tlawhin Kolasib District-a hnathawh dan hrang hrangte inhrilhhriatna hun Dr. Hmingthanzuala, DIPRO hovin neih a ni a. Hemi hnu hian Kolasib DC John LT. Sanga hovin DC Conference Hall-ah inkawmin tunlai khawvel thiamna thang zelah ‘Information’ rintlak lakkhawm leh pekchhuah pawimawh zia Bawrhsap chuan tarlangin, a hun takah a dawng tur tak ten ‘Information’ an dawn thinna hian harsatna, buaina leh inhriatthiam lohna thleng thei a ven phah thin thu a sawi a. Information Officer-te chu sawrkar tha tichak tur a thawktu pawimawh tak an nih thu a sawi bawk a ni.

Mizoram Information Service 2024 batch-te hi DIPRO Office-a hna hrang hrang kalpui a nih dan te, Advertisement Rules leh Documentation chungchangah Hmingthanzuala, DIPRO chuan zirtirna a pe a. Technical Equipment chi hrang hrang hman dan te entir niin School of Nursing, Thingdawl te tlawhpui an ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar