Latest News

MRB in Mizoram-ah Branch 76 nei tawh

Mizoram-a Bank hrang hrang zinga Branch ngah ber, Mizoram Rural Bank (MRB) chuan Mizoram-ah Branch 76 a nei tawh.
Mizoram Rural Bank hian Inrinni kalta, Sept. 27, 2014 khan an kum 31 tlinna an lawm a, he huna tarlan a nih dan chuan Mizoram Rural Bank hi Sept. 27, 1983 khan Regional Rural Bank Act, 1976 hmanga din niin District leh RD Block zawng zawng a tuam chhuak vek a. Branch zawng zawngte hi Core Banking Solution (CBS) hmanga thlun zawm vek an nih bakah, ramchhung hmun dang khawpui liana Bank ah pawh pawisa transfer theih a ni tawh a. ATM Card pawh pek chhuah mek a ni bawk. MRB hian kum 2013-2014 chhung khan hlawkna cheng vbc. 24.78 an hmu a, tun dinhmuna pawisa dah zawng zawng chu Rs. 1341,18,80,000 a ni a. Loan an pek chhuah tawh zawng zawng chu Rs. 633,70,84,000/- a tling tawh bawk. Hei bakah hian MRB Branch hrang hrang hian zirlai harsa 394 an enkawl tawh bawk a ni.

Comments

Popular News (Last 30 Days)