Anthurium Festival atan cheng nuai 150 hmang tawh

Tourism Department in khual-zinte hipna tura an buatsaih \hin, Anthurium Festival-ah kum kua (2006-2014) chhungin cheng nuai 150 an hmang tawh a, heng sum te hi Central a\anga sum lokal, Ministry of Tourism a\anga Anthurium Festival hmanna tur atan liau liau a hmuh a ni.

Tourism Department hotute sawi danin, Anthurium Festival hi MNF Ministry hunlai kum 2006 a\anga buatsaih \an a ni a, kumin a hman zawh tak nen kum kaw (9) chhung Anthurium Festival hi hman a ni tawh a ni. Festival hmanna atana senso hi kum 2006 a\anga 2010 thleng khan Central sorkar, Ministry of Tourism a\angin kumtin cheng nuai 10 hmuh a ni \hin a, hei hi kum 2011 a\ang khan cheng nuai 25 ah tihpun niin, kumin thleng hian a ngai angin ala kal a, hetihlai hian Mizoram sorkar, Tourism Department chuan Anthurium Festival hmanna atan hian a hran in sum dah a neilo a, central a\anga sum an hmuh hmang hian ruahmanna an kalpui \hin ni a thu-dawn a ni.
    Tourism Department thawktu te sawi danin, Anthurium Festival a tel tura khualzinte hipna atan hian India ram pawn, Foreign lamah a hranpa in Advertisement chhuah a ni ngailo a, hetihlai hian India ramchhung chan-chinbu leh Megazine \henkhatah erawh chuan Advertisement hi chhuah a ni \hin a, heng bakah hian Mizoram chhunga chanchinbu hrang hrangah uar takin Advertisement hi chhuah \hin a ni bawk.