Gan Sabra-ah World AIDS Orphans Day hmang

Kumtin May 7-a hman thin HIV/AIDS avanga naupang fahrah te ni, ‘World AIDS Orphans Day’ chu nimin khan Gan Sabra Society buatsaihin Mizoram-ah pawh hman a ni.

Nimin a Aizawl Luangmual West-a Gan Sabra Home-a ‘World AIDS Orphans Day’ puala hun hman hi Central YMA Asst. Secretary Fabian Lalfakawma chuan a hmanpui a, engmah beisei lova Gan Sabra Home-a mi chhumchhia leh chanhai te enkawltute inpekna chu ropui a tih thu leh chhuanawm a tih thu a sawi bawk. He hunah hian Gan Sabra Superintendent Samuel Lalramnghaka leh helai hmuna thawktu dang te pawhin thu sawiin, Gan Sabra chu kum 2006 khan HIV/AIDS avanga naupang fahrah leh harsatna tawkte tuamhlawm tura din a nih thu leh tun dinhmunah naupang vanduaina tawk mi 50 an enkawl mek thu te an sawi a. Hei bakah hian Community Support Programme (Sponsorship) kalpuiin Mizoram District hrang hrang- Aizawl, Lunglei, Champhai, Mamit, Kolasib leh Saitual-ah HIV/AIDS avanga harsatna tawk nuapang 300 leh chhungkua 120 tan tanpuina an pek thu an sawi a. Heng naupang leh chhungkaw tan hian thla tin an zirna senso, ei leh in bakah damdawi inenkawlna an tum sak thin a ni.

Mizoram State AIDS Control Society (MSACS) chhinchhiahna atanga a lan danin kum 2006 atanga nikum September thla thleng khan Mizoram-ah HIV vanga thi 4703 an awm a, an zinga 3082 chu mipa niin hmeichhia 1547 leh naupang 80 an awm bawk a. Kum 2022-2023 chhung khan Sample enfiah 54,904 atangin atangin HIV kai 2233 hmuh an ni a, hemi hun chhung vek hian Raipuar thisen enfiah 22,488 atangin mi 151 te chuan HIV an kai tih finfiah a ni bawk.

Comments

Popular News (Last 30 Days)

LPG man bithliah thar