PC Party in ZPM VUC hnenah thu an thlen

PC Party chuan MLA te inhaivurna uchuak leh Speaker Car thar chungchang chu nimin khan ZPM Val Upa Council hnenah ziakin an thlen tih an sawi.

PC Party President Vanlalruata chuan ram hruaitute khawsak dan tha an tih loh dan sawiin, “Inrenchem an sawi reng laiin uchuak takin an invulh a. Simple interest-a kum khata 5.5% leka pung turin MLA 40 in Public Money atangin kumin ah cheng nuai 1,050 puk an tum a. Hetiang em em hian MLA term kal tawha MLA te an la invulh ngai lo a. Mipui min zah loh dan hi a uchuak a ni,” a ti a. Motor lei loh uar taka an sawi laia Speaker tan motor changkang uchuak lei a nih chungchang sawiin, “Hetianga Speaker hman tur leina tur hian nikum leh kumina budget-ah pawisa ruahman a awm lo a. Motor an lei dawn anih pawhin hetianga changkang leh manto uchuak hi mamawhna a awm lo,” a ti bawk.

PC Party President chuan ZPM chuan an kalsual veng tura Val Upa Council an neih thu Campaign laia an sawi angin an kalsualna chu VCU hnenah an thlen tih a sawi a, “Hemi chungchang hi kan umzui zel dawn a. Kan phawrh thui tial tial ang,” a ti bawk.