Latest News

NSSP Sensitization Programme kharna leh lawmman semna Serchhip-ah neih a ni.

Serchhip District-a National School Safety Programme (NSSP) Sensitization Programme kharna leh hemi puala intihsiakna a lawmman chi hrang hrang semna chu nimin (Oct. 15, 2014) khan Serchhip-ah neih a ni.
National School Safety Programme (NSSP) Sensitization Programme kharna leh leh hemi puala intihsiakna hrang hrang lawmman semna puala inkhawm nimin a Serchhip DC’s Conference Hall-a neih hi District Bawrhsap, Pi Juhi Mukherjee, IAS chuan kaihruaiin he hun khuallian nia hmanpuitu Chief Minister, Pu Lal Thanhawla chuan Serchhip District Bawrhsap leh a thawhpuite leh Tlawmngai Pawl hrang hrangten thawhhona \ha tak hnuaia Chhiatrupna laka School naupangte himna tur an ngaipawimawh chu a lawm thu a sawi a. Mizote hi tlawmngai tak kan nih avangin khawtlangah chhiatrupna alo thlen pawha mahni remchan dan ang anga hma la \hin kan ni tih sawiin, hei hi a himloh mai bakah chhiat tawkte tan pawh harsatna tam tak thlen thei ani tih kan hriat a \ul thu a sawi a. Veng tinah chhanchhuahna leh chhawmdawlna lama training chhuak mi panga vel tal nei zel thei ila a \hat lehzual tur thu sawiin, sorkar pawhin awmze nei zawka hmalak chhoh zel a tum thu a sawi bawk.
    He hunah hian Khual zahawm, Pu C.Ngunlianchunga, DM&R Minister pawhin chhiatna thlen thulah hmalakna ah YMA te nen \angtlanga thawhhona \ha tak neih zel an tum thu a sawi bawk. National School Safety Programme (NSSP) hi sorkar laipuiin chhiatrupna laka zirlai naupangte an him theihna tur atana ruahmanna a siam a ni a, India rama State 22 a District hrang hrang 43 a School 8600 ah a bul\an nan kalpui a ni a, Mizoramah pawh kum 2012 a\ang khan kalpui niin Serchhip leh Aizawl District a School 400 thlanchhuah ah he programme hi kalpui mek niin Serchhip District bikah chuan School 150 thlan niin pawisa pawh Rs. 40,98,900 /- hman ani tawh a ni.

Comments

Popular News (Last 30 Days)