Latest News

IMR hniam avanga lawmman hmanga lei Motor te hman theih turin vailiam a ni.

Nausen kum khat hnuailam thihna tihtlem kawnga Mizoram in hma a sawn avanga 13th Finance Commission in Incentive Grant a pek a\anga lei Bolero 14 te chu Inrinni, Oct. 4, 2014 khan Aizawl a\angin vailiam a ni.
He hun hi Health Minister, Pu Lal Thanzara chuan hmanpuiin nausen kumkhat hnuailam thihna in tlem lam a pan chu thil lawmawm a nih thu sawiin, hemi kawnga hmasawnna hmuh zel a nih theih nan motor lei thar chu hmanraw \angkai a nih a beisei thu a sawi a. Motor thar leite chu a kawltuten mahni nawmsakna atan leh \ullo a hman tur a nih loh thu leh thingtlang hmun kilkhawr tak tak a awmten an \angkaipui tura lei a nih zawk thu a sawi a, Nu nau nei turte damdawi In pan pui leh, nau neih fel tawh hnu a In thleng man chawi miahlova thlah a nih theih thu a sawi bawk. He hunah hian Dr. K. Ropari, Principal Director, Health & Family Welfare chuan motor lei dan chungchang sawiin, NHM hnuaia motor lei te Ambulance a leh (convert) vek anih avangin monitoring lamah hman theih a nih tawhloh thu leh 13th Finance Commission in Incentive Grant atan kum 2012-a sum hmuh a\ang khan Monitoring and Supervision atan hman tur motor leina tur dah hran a nih angin thingtlang lama thawktu pawimawh Chief Medical Officer/Senior Medical Officer te leh Community Health Centre/Primary Health Centre-a Doctor te, a hmun ngeia hriselna lam \hutchilh tuten chak zawka hma an lak theih nan motor chu lei a nih thu a sawi a ni.
    Sorkar laipui, 13th Finance Commission chuan India rama nausen thihna tihniam turin nasa taka \an lain helama hma la \ha State te tan cheng vbc. 50,000 a dah a, nausen dam a piang 1000 zela thi leh zat a\angin Infant Mortality Rate (IMR) chu kum 2009 a\ang khan tehin kum 2009-a Mizoram IMR chu 37 niin 2011-ah chuan 34 a ni a, hei hi hmasawnna nasa takah ngaiin Central chuan cheng vbc. 31.32 chu incentive atan a rawn pe a. Mahse 2012 ah 35 ah chho lehin Central chuan cheng vbc.16.32 a pe leh tho a. Central sum pek hmang hian Bolero 26, Gypsy 7, 1109 Truck 1, LPK Truck 1 leh 407 Truck 3 booked fel vek tawh a niin Inrinni a vailiam tak Bolero 14 bak pawh hi lo thleng mai tura beisei a ni a. Hei bakah hian motor dang 25 lei leh tum mek a ni bawk.

Comments

Popular News (Last 30 Days)