Lenkawl

Baptist Church of Mizoram (BCM) hnuaia |halai Kristian Pawl (|KP) Serchhip Pastor Bial te chuan nimin May 29, 2014 khan |KP Ramthim Ni pualin JN Hospital Serchhip Blood Bank-a dah turin thisen Unit 38 an pe a, thisen petute hi Mipa 26 leh hmeichhia 12 an ni. BCM Serchhip Pastor Bial ah hian |KP Unit 8 awmin nimin a thisen petute hi Town chhunga Unit 5 a\angin an ni a, thisen pe turte hi Blood Bank-ah kalin Dr. Ramdin-puia leh a thawhpui ten an lo lak sak a ni. |KP te hian nimin a Ramthim Ni pual hian nizan lam khan Unit hrang hrangah hun an hmang bawk.

Mizo Zirlai Pawl (MZP) Hqrs. Serchhip chuan nimin May 29, 2014 khan kumin a HSLC leh HSSLC exam result chhuaka Serchhip District chhunga zirlai ti\hate chawimawina hun an hmang.

Mizoram sorkar bultumin nimin May 29, 2014 khan Muthi khua ah Light Emitting Diode (LED) Village Campaign neiin chhungkaw tin te Electric Light leh Street Light te chu LED a thlak vek a ni.

Mizoram-ah kum 15 kalta chhungin lirthei chesual a thi mi 864 an awm a, lirthei chetsualna vanga hliam tuar mi mi 2007 zet an awm bawk.

Mizoram sorkar-a Excise & Narcotics Department in Wine Vendor Permit in pek \henkhat chuan Mizoram-a Wine demand chu a hniamin hralh pawh a kal talo deuh nia an hriat thu an sawi.

BJP Legislature Party hruaitu Narendra Modi chu nimin tlai dar 6:00 khan India Prime Minister 15-na atan rinawmna thu tiam tira lakluh a ni.

Serchhip District-a Society lian ber te zing ami, Serchhip Consumers Co-Op Society Ltd. chuan nimin May 26, 2014 khan Annual General Assembly an hmang.

Central YMA chuan Mizoram a Bank leh Financial Institutions (FI) te chu \angkai zawka mipui ten an hman theih nan nimin May 26, 2014 khan Central YMA Committee Room-ah an kawmin hmalak dan tur an sawipui.

YMA Sub-Hqrs. Serchhip chuan nikum lama hma an lo lak tawh angin kumin hian Serchhip leh a chhehvel ah mipui ten Mautuai an khawrh lohna turin hmalak leh nise an ti.

Saiha District Hospital Blood Bank-a thisen dah khawlsa a awm loh avangin nu kum 27 a upa chu Inrinni zing khan Raicheh in a thi.

Mizo Zirlai Pawl (MZP) Gen. Hqrs. chuan June 14,2014 ral hma ngeia zirtirtu semrual hna thawk turin Mizoram sorkar an ngen a, an ngenna in awmzia a neilo anih chuan zirtirtu nei mumallote harsatna sukiang turin a tawp thlengin hma an la dawn tih an sawi.

Mizoram leh Assam State in ramri buai an neih chungchanga inrawnkhawmna chu Inrinni kalta, May 24, 2014 khan MSU huaihawtin neih a ni a, he huna tel te hian ramri buaina chinfel tur hian sorkar ngen nise an ti.

Nikum December thlaa Mizoram-a sorkar thar a din hnua Council of Minister \hut-khawm hmasa ber chu nimin May 22, 2014 khan Chief Minister, Pu Lal Thanhawla hovin Chief Secretary Conference Room, New Secretariat Complex, Aizawl-ah neih a ni.

Lengteng Wildlife Sanctuary chhunga thingzai chungchanga Selam khaw mite leh Forest Department te inhmuhthiamlohna kal zelah nimin May 22, 2014 khan sorkar tirha kal 2nd IR sipai te leh Selam khaw mipuite an innawr buai a, Selam khaw mipui te zingah hmeichhe pathum telin mi 6 velin hliam an tuar a, ngaihtuahawm khawpa na erawh an awm lo.

Lok Sabha MP thlanna neih chhunga Serchhip District Bawrhsap tura ruat, Dr. Franklin Laltinkhuma, IAS chuan a hun hmang zovin nimin, May 22, 2014 khan Serchhip a chhuahsan.

Serchhip District chhunga Village Council hrang hrangte tan nimin May 22, 2014 khan 13th Finance Commission sum hman dan leh Account vawn dan chungchang zirhona chu Serchhip-ah neih a ni.

Kar kalta Zirtawpni-a Selam khaw daia sorkar motor haltu zawngchhuak tur leh a \ul dan anga hmala turin nimin May 21, 2014 khan Khawzawl a\angin ralthuam keng 2nd IR sipai 100 rual vel te chuan Selam an pan a, Selam khua in danlo anga thing an zaite zawngchhuak tur leh senghawi turin nimin vek hian Aizawl, Champhai leh Khawzawl a Forest Staff engemawzah chuan Selam hi an pan bawk. Hetihlai hian Selam khua chu an khua humhim turin thu leh awm hma chuan puitling tumah ramriaklo tur in an in ngen mek bawk.

Persons with Disabilities Act Mizoram-a kalpui mek ah kum 1996 a\ang khan Mizoram-ah pianphunga rualbanlo mi 44 te chu Mizoram sorkar hna a lak an ni tawh.

Sorkar laipui in rualbanlote enkawl leh an ham\hatna tura dan siam Persons With Disability (PWD) Act, 1995 Mizoram-a kalpui a nih dan en turin Chief Commissioner for Persons With Disabilities (PWD), Pu Prasanna Kumar Pincha chuan Mizoram a rawn tlawh mek.

Environment & Forest Department hnuaia hnathawk pawl hrang hrangte chuan Zirtawpni kalta, May 16, 2014-a Selam khaw mipui ten Forest Department hnathawkte kut thlaka sorkar Motor an hal chu an dem takzet tih an sawi.

Hrangturzo bial Assembly bye-election neih zawh taka thlantlin, Pi Vanlalawmpuii Chawngthu chu nimin May 20, 2014 khan rinawmna thu tiam tirin MLA atan lakluh a ni.

Mizoram-a eptu pawl \angrual United Democratic Front (UDF) chuan nimin May 20, 2104 khan Aizawl-ah thuthar lakhawmtute kawmin inthlanpui zawhfel taka an result chu lungawithlak thawkhata an hriat thu an sawi.

MNF President, Zoramthanga chuan India mipuiin Congress sorkar chu a zung nen pawt phawi in an phoro \an ta nia sawiin, ZNP President Lalduhoma chuan Central-a Congress chu a zung nen pawhphawi an nih thu a sawi.

Bial thum Joint Revival nei

Lok Sabha inthlanpui result chu hriat kim theih a ni ta a, rampumah BJP chuan seat 282 zet an la a, tunhnaia thawm nei lian tak AAP erawh in beisei an phak lo niin a lang thung.

Lok Sabha inthlanpui neih zawh taka Postal Bal-lot-a vote thi 1312 lai a awm chu UDF chuan tunhnuah awm tawhlo se an duh thu an sawi a, hetianga vote thi a tam chhan hi Joint CEO chuan a sawifiah bawk.

Mizoram in Lok Sabha MP inthlan felfai taka a neih theih avangin Election department chuan lawmthu an sawi.

Mizoram Lok Sabha MP thlanna neih zawh takah General vote  leh Postal Ballot te nen a pumpuiah vote 434,513 a tla a, Indian National Congress (INC) Candidate, Pu CL. Ruala chuan Independent Candidate, Pu Robert Romawia Royte chu vote 6154 in a hneh a ni.

Nimin May 13, 2014 khan Serchhip District chhunga ASHA te tan Iodine chi chungchang zirhona chu Serchhip a CMO Conference Hall-ah neih a ni a. He hunah hian Dr. Chawngthansiami, State Programme Officer (IDD) chuan ASHA te hi Iodine chi chungchang hi zirtir in Iodine chi pawimawhna leh mamawh zat te, Iodine tlakchham avanga harsatna thleng thei hrang hrangte leh harsatna sutkian dan te zirtir a. ASHA te hi Iodine chi test-na pek vek niin an bial ah thlatin Iodine Chi hi test neiin sample 50 test-ah incentive Rs. 25/- an dawng \hin ang.

Diesel man tihsan a ni

Thla khat chuang zet awh khawvela ram hruaitu thlanna lian ber India rama Lok Sabha inthlan chu zawhfel niin tun thla ni 16-ah vote chhiar a ni ang.

Health Minister Pu Lal Thanzara chuan Aizawl Civil Hospital tihchangtlunna tur cheng vbc. 5 chu hman theih a ni tawh tih sawiin, hemi hmang State Referral mamawh zual te phuhruk theih a nih tur thu a sawi.

Rakzu man hnem tawh

Serchhip Town Joint VC Committee chuan Ser-chhip Town Site Allotment Advisory Board (SAAB) din thar ah Town chhunga VCP \heuh dah ve an nih loh chuan thawhpui loh nise an ti.

Finance Minister Pu Lalsawta chuan Mizoram Plan Budget a state sorkar tum ve tur za zelah sawm (10) chu sorkarin a chhunluh theih loh \hin avangin leiba inchhek khawl (debt liability) a sang tial tial a, hei hian hma-sawnna kawnga hmalak zelna tur a ti\huanawp a ni, a ti.

TT Championship \an

Mizoram-a Cancer tam lutuk do let dan tur chungchang ngaihtuahin nimin May 8, 2014 khan Health Minister, Pu Lal Thanzara hovin \hutkhawm neih a ni.

Mizoram Board of School Education (MBSE) chuan nimin May 8, 2014 khan Higher Secondary School Leaving Certificate Examination (HSSLC) 2014 Result a ti-chhuak a, a pumpui ah zirlai exam zinga 71.32% in an pass a ni.

Mizoram sorkar in ruahmanna a siam angin NLUP kalpui mek ah khaw pakhat tan Trade pakhat (One Crop-One Village) chu kalpui tawh tur niin hemi chungchang hi nimin khan Serchhip-ah pawh sawiho a ni.

Mizoram chhunga film letlingtute bakah film hlui chhuah \hin ten COTPA 2003 Section 5 (Vaihlo fawkmawi emaw tih lar emaw khapna) dan a bawhchhe nasa hle.

Tunhnaia Serchhip khawpui chhimlam kawtchhuah nasa taka kang chungchang ngaihtuahin nimin May 7, 2014 khan Serchhip khawtlang mi pawimawh te an \hukhawm.

Mizoram-ah Right To Information (RTI) Act hman a nih a\angin he Dan hmanga zawhna 4222 a awm tawh a, hetihlai hian Mizoram Information Commission chuan State Public Information Officer 3 te hremna a pe tawh bawk.

Mizoram-a tlawmngai pawl hrang hrangte chu nimin khan Central YMA Office-ah mihringa sumdawnna chungchangah an inrawnkhawm.

Mizoram-a leilung hauhsakna haichhuak tura hma la mek, Oil India Limited (OIL) chuan Maubuang Drilling Site-a leiverh hna chu July thla tir lamah \an an tum thu an sawi.

National Disaster Management Authority (NDMA) Member leh hmarchhak bial viltu, Pu KM. Singh chuan nimin May 6, 2014 khan Aizawl Chawnpui-a State Emergency Operation Centre tlawhin State Disaster Management Authority (SDMA) member te kawm in an hmalakna te a endik.

Mizoram tana UN Mission Project buaipui turin UN Technical Mission Team te chuan niminpiah, May 5, 2014 tlai khan Mizoram rawn lutin naktuk a\angin District hrang hrang tlawhin an zinchhuak leh ang.

Misual in In rawk

Chief Secretary, Pi L. Tochhawng chuan Mizoram Remote Sensing Application Centre (MIRSAC) in Data an buatsaih chu sorkar-a Development Department hrang hrang ten an hmang \angkai a ngai a ni, a ti.

Mizoram in eirawngbawlna Gas-a harsatna a tawh mek chungchang ah Mizoram Democratic Alliance (MDA)-a MLA 5 te chuan nimin May 5, 2014 khan Mualkhang-a Gas Bottling Plant an tlawh.

Chhim Veng champion

Mizoram sorkar chuan RKVY programme hnuaiah Thingsulthliah-ah 'Vawk Farm' a din dawn a, hi farm dinna tur hmun hi Inrinni, May 3, 2014 khan Home Minister, Pu R. Lalzirliana leh AH&Vety Minister, Pu C. Ngunlianchunga ten an tlawh a. AH&Vety Director, Dr. LB Sailo leh a thawhpuiten an \awiawm.

Mizoram-a Public Distribution System (PDS) kalpui mek chu mipui zawng zawng huama kalpui mek niin hemi atan hian thlakhat ah buhfai quintal 1,33,000 zel mamawh a ni a, hemi leina atan hian thlatin cheng vbc. 18.19 vel sorkar in a hmang \hin a ni.

PHE Minister, Pu Zodintluanga chuan mi tlem te rinawmlohna avanga department pumpui hming a chhiat a remloh thu sawiin, ‘Thil tisual tute chu hriatchhuah an nih chuan an hna tih tawp sak a \ul dawn a ni,’ a ti.

Licence neih tul ti

Kum 2013-2014 chhunga Mizoram Excise & Narcotics in Zu leh a kaihhnawih thildang a\anga sum a hmuhchhuah zawng zawng chu Rs. 308,50,779/- a tling a, MLTP Act vangin mi 2466 te chu thubuai an siamsak bawk.

Serchhip khawpui chhung inkalpawhna kawng (Internal Road) Black top siam\hat hna chu chak taka kalpui mek a ni.

Kumkhat chhungin Mizo \halai 25,000 te eizawnna pe turin Skill Development hrang hrangah training buatsaih tum a ni tih Labour, Employment & Industrial Training Director, Pu Rotluanga chuan a sa wi.

Kawngpui siam leh mek

Nikum 2013 April a\anga kumin (2014) March thla tawp thleng khan Serchhip District chhungah Nausen Kum 1 hnuailam thi mi 59 an awm.

Home Minister Pu R. Lalzirliana chuan, “Kan ram chhunga Kut hnathawktute Thlam leh an thlai chinte tu misual mahin an rawn tichhe tawh tur a ni lova, kan ban pakhat pawh an thiat tawh tur a ni lo,’’ a ti.

Sakhisih ngaw kang leh

Mizoram Middle School Teachers’ Association (MSTA) Sub-Hqrs. Serchhip chuan nimin April 29, 2014 khan Serchhip Hmar Veng YMA Hall-ah Conference vawi 17-na an hmang a, he hun hi Pu PC. Lalngaizuala SDEO Serchhip chuan khuallian niin a hmanpui.

PHE Department in Serchhip khawpui chawmna atana Tuikum tui an lakna ah Tuikum-a tui a tlem avangin tui pump hleihtheih a ni lova, mipuite hnenah dan pangngaia tui sem theih a ni lo.

Home-a thawk tur la thar

Mizoram Milk Producers’ Co-operative Union Ltd. (MULCO) chuan ni 24.4.2014 (Ningani)-a MULCO Bawnghnute buktlinglo chungchanga PRISM ten Legal Metrology hotute nena Press mite hmaa thu an puan chu a sawifiah.

MNF |halaite chuan Congress sorkar chu ramri a buaina veilo ah puhin MZP chuan Assam leh Mizoram buaina thleng mek chu a hmuna kala enfiah an tum thu an tarlang.

Sorkar kum liamta 2013-2014 chhung khan Mizoram District hrang hrangah MGNREGA a\angin mipuite tan ni 100 inhlawhna siam hman a ni lova, Mizoram District hrang hrang 8 zingah Champhai District chu mipuite tana inhlawhna siam hnem ber an ni.

Ram kang mit hleitheilo

Mizoram-a Kohhran lian ber Presbyterian Kohhran chuan nimin Pathianni hmang khan bial khawmpui neiin Biate Pastor Bial chuan Kohhran Upa thite chu Biak In-a vui tawh loh ni se tiin an pawm.

Serchhip bialtu MLA leh Chief Minister ni bawk, Pu Lal Thanhawla chuan Inrinni, April 26, 2014 khan Serchhip khawpui chhunga hmasawnna hna hrang hrang thawh mek chu a hmunah kalin a enkual.

Economic Survey 2013-2014 a\anga a lan danin Mizoram-ah School 3890 a awm a, heng te hi Central enkawl 24, State sorkar enkawl 1611, Local Body enkawl 364, Deficit 26, Council Deficit 35, Adhoc Aided 206, Council Aided 7, Lumpsum Aided 76, School thar 479, Private sorkar a\anga \anpuina dawnglo 1086 te an ni.

Serchhip Block Congress Committee chuan nimin April 25, 2014 khan bialtu MLA leh Chief Minister ni bawk, Pu Lal Thanhawla Serchhip bial-a \um 7 thlantlin a nihna leh Mizoram Chief Minister \um 5 a nih lawmna chu ruai nen ropui takin Serchhip-ah an buatsaih.

Mizoram Board of School Education (MBSE) chuan niminpiah April 25, 2014 khan kumin a High School Leaving Certificate Examnination (HSLC) result a tichhuak a, Mizoram pumah zirlai za zela 67.51 ten pass in kum 2013-a pass 58.63% aiin kumin hian pass an \ha zawk a ni.

Serchhip Field Veng-a Auditorium sak mek kawt dawlzawlna tura RCC hmanga Retaining Wall siam chu chim mai thei dinhmunah a ding mek.

Serchhip khawpui chhimlam kawtchhuah ram zau tak kang chu nimin April 23, 2014 tlai thleng khan \helhmih theih ala ni lova, he ram kang chungchangah hian YMA Sub-Hqrs. Serchhip chuan FIR an thehlut.

Tunhnai khan Serchhip chhimlam dai chu nasa taka kangin huan thlai engemaw zat a kangchhia a, he ram kang hi \helh mumal theih ala ni lo.

EVM tihchingpen chungchanga Chief Minister Lal Thanhawla puhtu te zinga mi pakhat Lalmuanhlua chu nizan hmasa, April 21 zan dar 11:00 vel khan Mizoram Police ten Aizawl Thakthing Veng-a MNF |halai Joint Secretary, HP. Zonunsanga In ah an man nia thudawn a ni.

United Democratic Front (UDF) Coordination Committee (UDF) |halai Hqrs. Aizawl chuan nimin April 22, 2014 khan Aizawl Police Station-ah FIR thehlut in, Chief Minister Lal Thanhawla thil tih diklo hrang hrangte chhuichhuak tura an ngenna FIR an thehluh ah hian an tarlang.

United Democratic Front (UDF) hruaitute chuan Pu K. Chhawn\huama leh Chief Minister Pu Lal Thanhawla inkar chu fair taka chhui nise an duh tih sawiin, ‘A diklo zawk chuan tuar mai rawh se’ an ti. 

Ram kang nasa

Tripura-a Bru Refugee Transit camp 6 a\anga Refugee-te lak let leh dan tur chungchang nimin April 21, 2014 khan Home Minister, Pu R. Lalzirliana hovin a office-ah sawiho a ni.

Mizo Student Union (MSU) chuan, The Persons With Disabilities Equal Opportunities Protection of Right and Full Participation Act 1995 (PWD Act) chu a nihna ang taka hmang turin Mizoram sorkar an phut.

Kum 2013 April thla a\anga kumin (2014) March 31 thleng  khan JN Hospital Serchhip Blood Bank-ah thisen Unit 678 pek a ni a, heng zinga Unit 660 (97.34%) chu mi tlawmngai ten a thlawna an pek a ni a, a bak Unit 18 (2.65%) chu mi tute emaw tan bika pek a ni.

Serchhip MZP te inthlang thar

National Population Registration hnuaia Mizoram mipui chhinchhiahna Aadhhar/UIDAI neih mekah hriat theih chinah mi 20,000 chuang hming ziahluh a ni tawh.

Kumin April 11-a Lok Sabha Mizoram seat khat inthlanna-a vote tla zat chu Tripura Relief Camp-a Bru vote tla tiamin za zela 62.20 a tling.

Mizo Students' Union (MSU) chuan Lengte-a Ispat Industry Pvt. Ltd.-a an chemical êkchhia (slag & mill scale) thehthang danah thil fello awm nia a hriain April 19, 2014 khan helai hmun hi an enfiah.

Aizawl Civil Hospital Blood Bank chuan April 2013 - March 2014 chhung khan thisen unit 9,321 an la a, chung zinga unit 8,893 (95.41%) chu Voluntary Donation niin, Unit 428 (4.59%) chu Blood Bank-a thisen awmna rulhna, replacement a ni a, hemi chhung hian damdawi In dang 15 velah thisen unit 3,745 pekchhuah a ni bawk a ni. Kumin (2014) chhung bikah, January-March chhungin Aizawl Civil Hospital hian thisen unit 2,018 an la a, chung zinga unit 241 (11.94%) chu replacement a ni a, voluntary donation chu 88.06% a ni. ACH ah hian nitin thisen Unit 40-50 vel pekchhuah \hin a ni.

Mizo Zirlai Pawl (MZP) chuan Bru laklet tura ruahmanna awm mek ah kum 1995 Electoral Roll hmanga Mizoram mi leh sa dik tak te chiah lakluh an nih theih nan a tir a\anga a tawp thlengin laklet tur te chu enfiah an tum tih an sawi.

Mizoram Police, Aizawl District Special Branch te chuan nimin zing dar 2:00 vel khan Aizawl Kulikawn leh Ngaizel inkarah Pseudoephedrine nia hriat kg 198 an man a, tualchhung rate-a chhutin cheng nuai 90 chuang man hu a ni.

Serchhip District chhung, Chhingchhip khua a Sainik School sak hna chu chak taka chhunzawm mek zel niin nakum (2015) ah zawhfel hman an beisei tih he hna thawktute chuan an sawi.

Central YMA Committee sang, Central Executive Committee (CEC) nimin a \hukhawm chuan hlamzuih chungchangah kohhran ten kalphung thlak mahse, YMA chu kal ngaiin a la kal rih dawn tih an sawi.

Mizoram sorkarin Lottery zuar mektute hun pawhsei a tum nia sawiin, PRISM chuan dan dik taka tender chhuaha lottery zuar tur hi thlang zawk turin Sorkar an ngen tih an sawi.

Lai Autonomous District Council (LADC) huamchhung VC 93-a inthlanna neihah rorellai Congress party in VC 57 ah hnehna an chang a. MNF in VC 6 la in ZNP leh MPC ten lak an neilo thung.

Mizo Students’ Union (MSU) chuan thuchhuah siamin kumin a zirna In te hawn a nih hnuah nikum (2013) a sorkar nen inremna an siam tawh ti hlawhtling tura hmalakna a awmlo nia hriain hmalak zui an tum tih an sawi.  

Dt.12.April.2014 a YMA Sub-Hqrs. Serchhip SEC meetting chuan a hnuaia mi ang hian kum 2014-15 chhung atan Committee peng hrang hrang 11 din in hetiang hian hruaitu tur te ruat an ni.

SEC \hutkhawm hmasa

Social Welfare Department hnuaia scheme KSY leh RGSEAG-SABLA hnuaiah hmeichhe tleirawl, sorkar a\anga ham\hatna dawng mi 41,650 an awm mek a. Heng zinga 5265 hi KSY scheme hnuaia mi an niin dang 36385 hi RGSEAG-SABLA scheme hnuai ami te an ni .

Lok Sabha inthlanpui leh Hrangturzo bial Assembly bye-election neih a hman EVM leh VVPAT te chu District hrang hranga Strong Room-ah dahlutin uluk taka ven mek a ni.

Tlawmngai pawl \angrualte phut ang leh sorkar duhdan angin Tripura Relief camp-a Bru awm mekte lalet turin ruahmanna a awmsa niin Home department hotute chuan an sawi.