MNF leh ZNP President ten Central-ah Congress a zung nen pawhphawi an ni niin sawi.

MNF President, Zoramthanga chuan India mipuiin Congress sorkar chu a zung nen pawt phawi in an phoro \an ta nia sawiin, ZNP President Lalduhoma chuan Central-a Congress chu a zung nen pawhphawi an nih thu a sawi.

MNF President Zoramthanga hian nimin May 19, 2014-a Aizawl-a an Party Office, Mizo Hnam Run-a inkhawm neih ah he thu hi sawiin Sorkar laipui ah Congress sorkar chuan MP seat 543 thlanah Congress- in seat 44 chauh lain a tluchhia niin a sawi a. Tun \uma Electronic Voting Machine (EVM) leh VVPAT hman te chu khawih chingpen theiha Electronic Corporation of India Limited (ECIL) in an siam a ni tawh lo nia sawiin, Company rintlak Bharat Electronic Limited (BEL)-in khawih chingpen mai mai theih loh tura an siam a nih avangin sawiselna nei lovin an pawm thlap tih a sawi a, ‘Kan chaklo \hin avanga EVM hi sawisel kan ni ngai lo, khawih danglama leh tihchingpen a nih chauh a, duh lova sawisel \hin kan ni,” a ti bawk.
    Hetihlai hian ZNP President, Lalduhoma pawhin nimin May 19, 2014-a an Party Office-a chhung inkhawm neihah “Central ah Congress chu a zung nen pawhphawi a ni,” tih sawiin Lok Sabha-ah Opposition Party pawh an ni pha tawh lo niin a sawi a, “Central lam inthlanna ah mipuiin an vote na tur an chiang a. Lehkhathiam tamna Mizoram in mite hnawl hnu Congress kan thlang tling leh tlat mai hi a zahthlakin a mualpho thlak a ni,” tiin BJP in absolute majority laa sorkarna an siam thei chu ZNP in an lawmpui tih a sawi bawk.