Blood Bank-a thisen awmloh vangin Raicheh in boral.

Saiha District Hospital Blood Bank-a thisen dah khawlsa a awm loh avangin nu kum 27 a upa chu Inrinni zing khan Raicheh in a thi.

Hemi chungchanga Medical Superintendent hna chelh lailawktu Dr. K. Rakhu sawi danin Siata khuaa Pu John William nupui Pi A. Lalrinngheti hi Zirtawp zan dar 7:15 khan nau nei turin Saiha District Hospital-ah hian hruai a ni a, Hb a hniam em em a, 6.2 chauh a ni a. Blood Bank ah thisen dah khawl sa a awm lova, heti chung hian thisen unit 6 lai pek a ni a, thawhktute’n theihtawpa tlaivara an beih hnu pawhin an chhan thei ta lo a, Inrinni zing dar 2:30 khan a thi ta a ni. Saiha Bialtu MLA, Dr. K. Beichhua chuan Saiha District Hospital hi a hmunah a tlawh nghal bawk a ni.