Chanchinthar thenkhat :

Licence neih tul ti

@@ Sanitation Officer, UD&PA Serchhip, Pu ST. Lal-hmingmawia chuan thupek tichhuakin Sanitation Officer, UD&PA Department hnuaia Hotel, Restaurant, Tea Stall, Factory, Workshop, Hawker, Hoarding, Tailoring, Mobile Repairing, Beauty Parlour, Hair Cutting Saloon leh Motor Servicing te a Sanitation Licence nei zawng zawng te chu May 2014 chhunga an Licence te an renew vek  turin a hriattir a. Hetiang sumdawnna nei Licence la siam lote pawhin Licence siam vek tur a nih thu a tarlang bawk.

MJA ten lawmawm ti
@@ MJA Serchhip District chuan nimin May 1, 2014 khan Mat Lui ah intihhlimna hun hmangin tunhnaia Mizoram sorkar buatsaiha Serlui B Hydel Project leh Tuirial Hydel Project bakah Kolasib District-a hmun hrang hrang an tlawh thlirletna an nei a, hetiang hun sorkar in a buat-saih chu lawmawm an tih thu leh hlawk thlak an tih thu an sawi.

SCC \hukhawm dawn
@@ YMA Sub-Hqrs. Serchhip-a rorelna sang ber dawttu, YMA Sub-Hqrs. Coordination Committee (SCC) chu Vawiin chawhma dar 11:00 hian YMA Sub-Hqrs. Office ah an \hukhawm dawn a. YMA Sub-Hqrs. Conference neih zawh tak thlir-letna leh khawmpui rorel bawhzui dan turte an sawiho dawn a ni.

Semi Final khel dawn
X SDVA buatsaih Serchhip District Volleyball Championship khelh mek chu Vawiin hian Semi Final khelh a ni dawn a, Friends Club, New Serchhip leh Bungtlang Khawnglung te intumin Laluapa Sailo Team, Serchhip Chhim Veng leh Chan-mari  te an intum ang.

Admission hun pawtsei
@@ Directorate of School Education chuan thuchhuah siamin Class XI a lut turte tana Admission hun chu 9.5.2014 thleng a pawt-sei a. Hei hi Government/Deficit leh Adhoc Aided School ten zawm vek tur a nih thu a tarlang bawk.