Latest News

Hrangturzo bial MLA thar lakluh a ni

Hrangturzo bial Assembly bye-election neih zawh taka thlantlin, Pi Vanlalawmpuii Chawngthu chu nimin May 20, 2014 khan rinawmna thu tiam tirin MLA atan lakluh a ni.
Hrangturzo Assembly bial MLA thar atan thlan tlin leh Mizoram Legislative Assembly 7-na a hmeichhe MLA awm chhun tur Pi Vanlalawmpuii Chawngthu lakluhna inkhawm hi Mizoram Legislative Assembly Conference Hall-ah neih niin Mizoram Legislative Assembly Speaker Pu Hiphei chuan rinawm thu tiam tirin MLA atan a la lut a. MLA atana lakluhna programme ‘Swearing-in-Ceremony’ ah hian Chief Minister Pu Lal Thanhawla, Home Minister Pu R. Lalzirliana bakah Cabinet Minister te, Deputy Speaker Minister of State te, Parliamentary Secretary te leh MLA te an tel kim hle a ni. Pi Vanlalawmpuii Chawngthu hi Pu C. Chawngkunga leh Pi Lalliankimi Sailo fanu niin kum 34 a upa a ni a, zirna lamah MA (Political Science) niin MPYCC a nihna hrang hrang te lo luah tawh in tunah hian MPYCC President ni lai mek a ni a, Dawrpui Vengthar ah chhungkua in an khawsa a ni. Tarlan tawh \hin angin nikum Nov. 25-a Mizoram Legislative Assembly inthlanpui neih ah khan Hrangturzo bial ah hian MPCC President, Pu Lal Thanhawla chu thlantlin niin he bial hi a chhuahsan tak avangin bial ruak ah puangin inthlanna hi April 11, 2014 khan neih a ni a, hetah hian Pi Vanlal-awmpuii Chawngthu hian a khingpui awmchhun, Independent Candidate, Pu H. Lalduhawma chu vote 2503 a hnehin tling ah puan niin kum 1987 hnua Mizoram-a hmeichhe MLA ni leh thei hmasa ber a ni.

Comments

Popular News (Last 30 Days)