Latest News

Plan Budget-a State sorkar tum tur chhunluh a nih loh avangin leiba inchhekkhawl a sang tial tial.

Finance Minister Pu Lalsawta chuan Mizoram Plan Budget a state sorkar tum ve tur za zelah sawm (10) chu sorkarin a chhunluh theih loh \hin avangin leiba inchhek khawl (debt liability) a sang tial tial a, hei hian hma-sawnna kawnga hmalak zelna tur a ti\huanawp a ni, a ti.
Kar kalta Ninganni leh Zirtawpni-a Kolasib District a tlawhna ah he thu hi sawiin Finance Minister, Pu Lalsawta chuan Plan Budget a\anga za zela sawm (10) Mizoram sorkar in a tum ve tur a phak loh avang hian Chhiah hi a bo a bang awm lova pek hi mipui mawhphurna a ni tiin chhiah petu te’n rilru dik tak pua an pek a ngai a ni, a ti a. Mizoram state sum inrelbawlna (fiscal discipline) chu \ha zawka a kal theihna turin a theih anga hma la in, ruahhmanna te pawh siam chhoh mek zel a ni a, hemi thilah hian sorkar hnathawk te’n mawhphurna sang tak an nei \heuh a ni tih hriat a pawimawh hle a ni, a ti bawk.
    Kolasib District tlawha zin Taxation Minister ni bawk, Pu Lalsawta hian Kolasib District Taxation Office leh Vairengte-a Department hrang hrang Check Gate 8 te chu a hmunah tlawhin heng hmuna hnathawktute hnathawh leh hmalaknate enpuiin an mamawh leh an harsatnate chipchiar takin a zawt a, sorkar tan theitawp chhuah a hna thawk zel tura fuihin, rim taka an thawhnaah lawmthu a hrilh bawk. Pu Lalsawta chuan sorkar kum 2014 - 2015 a Taxation Department Revenue Target chu cheng vbc. 225 a nih thusawiin, kum hmasa lama sum bituk an khum \hin angin kumin pawh hian target khum leh ngei tura \an la turin Taxation Department hnathawk te chu a fuih bawk. Sorkar kum kalta April 2013 - March 2014 chhunga Vairengte Check Gate a\anga Mizoram-a bungraw phurhluh hlut zawng chu cheng vbc. 3,705 vel niin, heng a\anga dik taka chhiah pek a nih chuan Taxation Department hian chhiah chhun luh tura sorkar bituk hi an khum ngei tura beisei a nih thu sorkar thuchhuah chuan a tarlang bawk.

Comments

Popular News (Last 30 Days)