Latest News

Aizawl Civil Hospital tihchangtlunna turin State Referral Hospital mamawh phuhruk tum.

Health Minister Pu Lal Thanzara chuan Aizawl Civil Hospital tihchangtlunna tur cheng vbc. 5 chu hman theih a ni tawh tih sawiin, hemi hmang State Referral mamawh zual te phuhruk theih a nih tur thu a sawi.
Health Minister Pu Lal Thanzara hian nimin May 13, 2014 khan Falkawn hmuna State Referral Hospital leh District TB Centre te tlawhin Hospital hnathawh dan te,Hospital in tun dinhmuna a mamawh zual deuh deuh te leh an indaihlohna te a endik a, helai hmuna thawktu te chuan damdawi In Ward hrang hrang te, khawl chi hrang hrang an neih te, TB veite enkawlna hmun leh Staff Quarters te fanpuiin an mamawh hrang hrang an lo thlen a. Hemi hnu hian Doctors' Seminar Room-ah hun tawite hman zui niin hetah hian Health Minister chuan Aizawl Civil Hospital tihchangtlunna tur cheng vbc. 5 chu hman theih a ni tawh thu leh chumi a\ang chuan State Referral mamawh zual te hi chu phuruk theih a nih thu sawiin, Referral Hospital hmunah hian Medical College din a nih dawn bakah Medical Research Centre changkang tak cheng nuai 400 chuanga sak a ni dawn tih a sawi a. State Referral Hospital awmna Falkawn khawchhung mite tan damlo chhungte thlenna tur khualbuk man tlawm sa thei se sum hmuhna bakah thil \angkai tak leh midang te tana malsawmna a nih a rin thu a sawi bawk.
    He inkawmhona hun hi bialtu MLA, Pu KS. Thanga chuan hmanpuiin sorkar in helai hmuna hma a lakna te chu helai bial chauh nilo, Mizoram hmasawnna a nih thu a sawi a. He hunah hian he damdawi In venhim a \ul thu te, TB damdawi In sawnluh a nih avangin hlauh tur a awmloh thu te, bawlhhlawh an halna chu enghelh tur leh hlauhthawn tur awmlo, a khu chhuak pawh mihring tana hlauhawmlo, motor changkang ber ber ten Petrol kang khu an tih chhuah aia hlauhawm biklo a nih thu te sawilan niin, nakum hian Medical College hi First Batch ah zirlai 100 admission pe a kal tan tir tumin hmalak mek a nih thu sawilan a ni bawk.

Comments

Popular News (Last 30 Days)