Latest News

IR Police rual leh Forest-a thawk ten Selam khua an pan.

Kar kalta Zirtawpni-a Selam khaw daia sorkar motor haltu zawngchhuak tur leh a \ul dan anga hmala turin nimin May 21, 2014 khan Khawzawl a\angin ralthuam keng 2nd IR sipai 100 rual vel te chuan Selam an pan a, Selam khua in danlo anga thing an zaite zawngchhuak tur leh senghawi turin nimin vek hian Aizawl, Champhai leh Khawzawl a Forest Staff engemawzah chuan Selam hi an pan bawk. Hetihlai hian Selam khua chu an khua humhim turin thu leh awm hma chuan puitling tumah ramriaklo tur in an in ngen mek bawk.
Thudawn danin nimin zing dar 8:00 khan Aizawl a\angin Forest Protection Squad leh Field Staff mi 40 vel te chuan Truck 5 leh Gypsy 2 in Selam hi an pan a, Khawzawl Forest Division leh Champhai Division a\angin Selam pan hi an awm bawk a. Heng mite hi Hnahlan-ah inkulhin heta \ang hian Selam khua leh Selam ramchhung ramhnuaia danlo a thingzai te chu mankhawm in, senghawi hna an thawk ang a, hei hi an thawh zawh hma chuan hmalakna hi kalpui an tum dawn niin a sawi a ni.
    Hetihlai hian Home Minister, Pu R. Lalzirliana’n sorkar phalloh, thing zai ru \hinte man chhuak tura kal Forest department mite zah lo taka Selam mipuite lo chet dan te, sorkar bungrua an suasam te chu sorkarin ngaihzam a tum loh thu leh misualte man chhuak a an chunga dan anga hremna lek a tum tih a sawi hnuah nimin vek khan Khawzawl a\angin ralthuam keng 2nd IR Sipai 100 rual vel chuan Selam hi an pan bawk nia thudawn a ni a. Heng sipai te hi Khawzawl SDPO, Zothlamuana leh 2nd IR Dy. Commandant ten an ho a, IR sipaite hi an cham chen tur sawi theih a nilo a, a \ul chen chen cham turin Selam hi an pan a, anni pawh hi Hnahlan ah an inkulh dawn nia hriat a ni.
    Hetihlai hian Selam khua chuan buaina siam an tumlo tih sawiin, nimahsela, an khaw ramchhunga thing an zaite chu sumdawnna tur a nih loh avang leh In sakna tur atana an zai a nih avangin, an khawchhung a\anga Thingzai man sa nen hian engtikawng mahin Forest mi leh sa te hi chhuah tir an tum dawnlo tih an sawi ve thung nia thudawn a ni a, tunah hian an khua a puitling tumah ramriaklo tur leh hmun danga zinchhuaklo turin niminpiah zing a\ang khan an inngen nia thudawn niin hei hian zawm pawh a hlawh hle niin an sawi a. Kar kalta Zirtawpni a sorkar motor, 709 Truck hal a nih chungchang ah an tih dikloh an pawm tih an sawi bawk. Selam khua hi Champhai a\anga km 80 vela hla a awm niin, In 227 awmna khua, mi cheng 1300 vel a inchhal an ni.

Comments

Popular News (Last 30 Days)