Serchhip Consumers Co-Op Society Assembly neih a ni

Serchhip District-a Society lian ber te zing ami, Serchhip Consumers Co-Op Society Ltd. chuan nimin May 26, 2014 khan Annual General Assembly an hmang.

He General Assembly Serchhip Hmar Veng YMA Hall-a neih hi Mizoram State Consumers Union (MSCU) President, Pu Lianthangpuia chuan Khuallian nia rawn hmanpuiin India rama Co-Operative Movement hi kan la hriatchian loh avangin hma kan sawn theihloh thu leh Society pawh din \hin mah ila sorkar \anpuina tello chuan a tlu leh mai \hin tih sawiin, hetiang kara Serchhip-a Consumers Co-Op Society Ltd. \ha tak a ding chu lawmawm a tih thu a sawi a, Society chak turin Share Holder te an chet a \ul thu pawh sawiin, ram changkang apiangah Society chakin, Society chakna apiangah mipui khawsak a changkang tih sawiin, Society chu hausa tura din ni lovin mipuite tana ding a nih thu a sawi bawk. He hun hi Serchhip Consumers Co-op Society Ltd. Chairman, Pu T. Rosiama chuan kaihruaiin chawhnu lama rorelna ah Co-Op Society in Bank hrang hranga Loan a lak hian mimal Loan la anga Quarantor-a sorkar hnathawk hman a ni \hin ta chu Co-Op Society kalhmang nia a lan loh avangin Co-Op Society in Loan a lak chuan a Department chu Quarantor-ah \ang zel tura hmalak nise an tih bakah Serchhip District Co-Op Society Union din a nih theih nan hmalak nise tih te an rel bawk. Serchhip Consumers Co-Operative Society ah hian Share 3 nei mi 391 leh Share 2 nei 41, an vaiin Share nei mi 432 an awm a, kum 2013-2014 chhungin Rs. 8,34,763/- lalutin heng zinga 7,27,863/- chu an dawr a\anga an hmuh a ni.