Home Minister hovin Bru laklet dan tur sawiho.

Tripura-a Bru Refugee Transit camp 6 a\anga Refugee-te lak let leh dan tur chungchang nimin April 21, 2014 khan Home Minister, Pu R. Lalzirliana hovin a office-ah sawiho a ni.

He sawihonaah hian Refugee laklet thawh 6-na tana ruahmanna siam sa angin chhungkaw 350 laklet tura thlan sa te chu laklet hmasakah hman nise tih a ni a, hemi chungchanga hmalatu tur Mamit, Lunglei leh Kolasib Bawrhsap te chu ruahmanna lo siam lawk tura beisei an ni. He sawihona-ah hian Lok Sabha inthlanna pumpui May ni 28-a zawh fel a nih a\anga thla thum chhunga thil tih dan tur a tlangpuia sawiho a ni a, District hrang hrang pathuma Bawrhsap te inpeih dan leh Central Sorkar lam a\anga sum leh pai leh an mamawh dang pek dan tur ruahman theih dan a zira hmalak ni se tih a ni. Tarlan tawh angin Bru Refugee laklet thawh rukna atan hian Central sorkar sum ruahman sa, cheng nuai 787 bakah, kum khat chhung an ei tur buhfai pawh Food Corporation of India (FCI) chuan a ti fel tawh a, amaherawhchu, he ruahmanna hi Lok Sabha inthlanna puan hnan a nih avangin in thlanna pumpui zawh fel a nih hma chuan bawhzui theih a ni ta rih lo a ni.