Serchhip Chhimlam kawtchhuah la kang zui zel. YMA Sub-Hqrs. Serchhip in FIR an thehlut.

Serchhip khawpui chhimlam kawtchhuah ram zau tak kang chu nimin April 23, 2014 tlai thleng khan \helhmih theih ala ni lova, he ram kang chungchangah hian YMA Sub-Hqrs. Serchhip chuan FIR an thehlut.

Tunkar tir lam a\anga Serchhip chhimlam kawtchhuah, Serchhip leh Kei\um inkar kang leh niminpiah a\anga Serchhip leh Thenzawl inkar kang te hi  nzian hmasa khan mi tlawmngai ten tlaivara an \helh hnuah \helh mih theih a nih loh avangin nimin khan mi tlawmngai ten an \helh chhunzawm leh a. Nimin ah hian \helh mih mai theih ala nih loh avangin nimin khan Serchhip District Bawrhsap mawhphurhna la mektu, Additional DC, Pu VL. Remliana hovin tlawmngai pawl leh VC aiawhte thukhawmin kangmei thelh dan tur an sawiho a. He thutkhawma ruahmanna siam angin nimin chawhnu dar 2:00 a\ang khan Serchhip khawpui chhunga VC hrang hrangte chuan kangmei \helh tur hian hnatlang an nei a, VC hrang hrang 6 te chu hlawm thum-ah in\henin kangmei \helh hna hi an thawk a, sorkar hnathawk Mipa zawng zawngte pawh an Office chhuahsana hnatlang vek turin hriattir an ni bawk. Ruahman lawk ang chuan he hnatlang ah hian kangmei hi \helh mih theih a nih loh chuan Vawiin ah pawh sorkar Office hrang hrangte kharin hnatlang hi neih chhunzawm leh a ni ang.
    He kangmei chhuak hian khawpui chhunga NH. 54 pawh rawn thlengin chenna In a kan lohna turin nimin khan mi tlawmngai hnatlang leh Fire & Emergency Services ten a ven hna an thawk a, hei vang hian In tana hlauhawm tur chu ven theih a ni rih a, amaherawh chu tunah hian Serchhip khawhlui, Entlang te, Serchhip a\anga Kei\um leh Thenzawl panna kawngpui hnuailam te, Bawngchawm tlang te la kangin, YMA Sub-Hqrs. Serchhip in an enkawl lai, Sakhisih Sunctuary pawh kang mai thei dinhmun ah a ding tawh bawk a ni. Tun \uma kangmei chhuak chungchangah hian YMA Sub-Hqrs. Serchhip chuan nimin zing khan Serchhip Police Station-ah FIR thehlutin FIR an thehluh ah hian kumtin in Serchhip chhimlam kawtchhuah hi a kan thin thu an tarlang a. Amaherawh chu a tikangtute chhuichhuah an nih \hin loh avang leh hremna pek pawh an awm ngailo nia an hriat thu tarlangin, hei vang hian tuna ram tikangtu hi chhuichhuak ngei tur leh a \ul anga hremna pawh pe tura an phut thu an tarlang bawk a ni.