Mizoram District zingah MGNREGS a\anga Ni 100 inhlawhna siam hman an awmlo.

Sorkar kum liamta 2013-2014 chhung khan Mizoram District hrang hrangah MGNREGA a\angin mipuite tan ni 100 inhlawhna siam hman a ni lova, Mizoram District hrang hrang 8 zingah Champhai District chu mipuite tana inhlawhna siam hnem ber an ni.

Mizoram mipui ten ni 100 inhlawhna tia an hriat, Mahatma Gandhi National Rural Employment Guarantee Act (MGNREGA) hnuaiah hian nikum sorkar kum 2013-2014 chhung khan sorkar laipui-a Ministry of Rural Development chuan Mizoram tan ni 91 chhung atan Job Card nei te inhlawhna tur a pawm sak a. Hetihlai hian inhlawhna tur sum hnuhnung ber hi March thla khan a pek chhuah chauh a nih avang leh Labour Budget mila District tina sum pekchhuah pawh a tlai tak avangin District te hmalak dan a inanloh avangin ni 100 inhlawhna hi a pumpui ah chawhrualin Mizoram District hrang hrangah ni 79 vel chauh pekchhuah hman ani ta niin kan thudawnna chuan a tarlang.
    Mizoram-a District hrang hrang 8 te zingah Champhai District chu MGNREGS hnuaia mipuite tana inhlawhna siam hnem ber niin an District-a Job Card nei tan ni 85 chhung atan inhlawhna an siam sak hman a, Mamit District in ni 84 atan inhlawhna siam hmanin Serchhip District in ni 81 atan inhlawhna an siam hman bawk a ni. Hetihlai hian Kolasib District chu he ruahmanna hnuaia mipuite tana inhlawhna siam tlem ber District niin ni 60 atan chauh inhlawhna an siam hman thung a, Lawngtlai District in ni 72, Lunglei District in ni 78, Saiha District in ni 79 leh Aizawl District in ni 80 atan inhlawhna te hi an siam hman bawk a ni.