Selam khaw mipuite chet dan E&F hnuaia pawl ten an dem.

Environment & Forest Department hnuaia hnathawk pawl hrang hrangte chuan Zirtawpni kalta, May 16, 2014-a Selam khaw mipui ten Forest Department hnathawkte kut thlaka sorkar Motor an hal chu an dem takzet tih an sawi.

Tunhnai khan Selam khaw panna kawng hi siam niin hei hian Lengteng Wildlife Sanctuary, Selam a\anga km 3 velah a kaltlang a, he kawng thar a\ang hian Samakzawl-a ngaw \ha tak chu awlsam taka kal theih niin helai hmunah hian tunhnai ah khan thing tam tak zai ruk a ni tih E&F Department chuan an hria a. Heng thing zai ruk te man tur leh zai ruk a nih tawh lohna tura thil tih dan tur ngaihtuahin Zirtawpni khan Aizawl Forest Protection Division a\angin Range Officer hovin Motor nen mi 15 vel kalin Khawzawl Wildlife Division a\angin mi 9 vel leh Champhai Forest Division a\angin mi 6 leh Labour 5 an kal bawk a. Hetah hain thingzai engmawzat manin amaherawh chu khawtlang hruaitute nen khua ah kalin an inbia a. Amaherawh chu Selam VCP chuan khawchhunga mite au khawmin, E&F Department mite an lo kal thu au in khawchhung mite chu chemtum nena thawk chhuakin, thingzai an manna ah hian kalin hnathawktu \henkhat kut an thlak bakah Truck an ken pakhat chu an hal zui ta a ni.
    He thil thleng chungchangah hian Forest Department hnuaia hnathawk pawl hrang hrang Mizoram Environment & Forest Field Staff Association (MEFFSA),Mizoram Forest Driver Association (MFDA) leh E&F Contract Employees Welfare te chu nimin khan Aizawl City Park-ah inhmukhawmin Dan bawhchhe tura mahni khaw mipuite fuihpawrhtu Selam khua Village Council chu sorkar in a rang thei ang berin \hiat se an duh thu te, he thil thleng hi an dem thu leh dan lova thil titute hi manchhuakin an phu tawk hremna pek an phut thu leh kut tuartte zawngnadawmna pek an phut thu te sawiin, tunhnuah hetiang hi a thlen tawh lohna turin an Department Field duty te himna turin sorkar in ruahmanna siam se an duh thu bakah Lengteng Wildlife Sanctuary leh a vela dan lova thingzai awm, man tawh leh man loh zawng zawngte dapchhuaka senghawi turin ni 21.5.2014 ah kal nise an ti bawk.