Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Dik taka Lottery zuar tur thlang turin sorkar ngen.

Mizoram sorkarin Lottery zuar mektute hun pawhsei a tum nia sawiin, PRISM chuan dan dik taka tender chhuaha lottery zuar tur hi thlang zawk turin Sorkar an ngen tih an sawi.
Hemi chungchanga thuchhuah an siamah PRISM chuan Lottery zuar tur hian tender hnuhnung berah Tista, NV International, Ecool leh Summit Online Trade Solution te chuan dan in a phal china rate hniam thei ang berin, a rate inang vekin an chhang tih an tarlang a. Hetianga rate inang vek leh hniam taka an chhan avang hian an inthurual nia rinhlelhna a awm avangin Competition Commission of India ah complaint a lut a. Competition Commission in a chhuina hi tihtawp tir tumin Mizoram sorkar leh company 4 te hian \angrualin High Court-ah an khing a, Competition Commission hi Supreme Court-ah a zualko ve leh a, tunah hian thubuai a awm mek a ni, an ti a, Hetihlai hian, Mizoram sorkar chuan company 4 te hi lottery zuar tur hian kum khat dang rawih belh leh tumin hma a la mek nia sawiin PRISM chuan, hei hi rinhlelhawmah an ngai tih an sawi a, Sorkar chu Dan dik taka tender chhuah a lottery zuar tur thlang zawk turin an ngen tih an sawi bawk.

Comments

Popular News (Last 30 Days)