Chanchinthar thenkhat :

Diesel man tihsan a ni

@@ Nizan hmasa zanlai a\ang khan rampumah Diesel man chu tihsan leh a ni a, tun \umah hian litre khat zelah Rs. 1.09 a tihsan niin hemi ang hian Diesel man pawh bithliah nghal a ni a, Aizawl, Lunglei leh Ser-chhip-ah chuan Diesel man hi Litre khat zelah Rs. 55.87 a ni a, Mizo-ram-a a tlawmna ber Vairengte-ah chuan Diesel hi litre khat Rs. 55.87 niin Mizoram-a a to na ber Cham-phai-ah chuan litre khat zelah Rs. 56.11 a ni bawk.

Group inthlan nei leh
@@ Rorellai Congress party Group inthlanna chu neih chhunzawm mek zel niin nimin khan Group pathum ten an hruaitu tur thlanna an nei ve leh a. Serchhip-IV Group President atan Pu J. Lianngura, Bazar Veng chu thlan niin Serchhip-V Group President atan Pu Lungtiawia, P&E Veng leh New Serchhip Group President atan Pu Lalchhuanliana, New Serchhip te thlantlin an ni.

Kawng siam chhunzawm
@@ Serchhip khawpui chhung in-kalpawhna siam\hat hna thawh mek chu ruahsur vanga chawlh lailawk a nih hnuah nimin khan chhunzawm leh a ni a. Tun \umah hian Serchhip Bazar a\anga Field Veng panna, Ramthlun Veng kaltlang chu siam tur niin he kawng hi Vawiin lam chuan an siam zawh hma beisei a ni.

Vawiin Pisa chawlh
@@ Vawiin May 14, 2014 hi Buddha Purnima niin sorkar Pisa chawlh a ni a, sorkar Office leh zirna In hrang hrangte khar a ni ang.