Mizoram-ah Wine Demand a hniam deuh rih niin sawi.

Mizoram sorkar-a Excise & Narcotics Department in Wine Vendor Permit in pek \henkhat chuan Mizoram-a Wine demand chu a hniamin hralh pawh a kal talo deuh nia an hriat thu an sawi. Excise & Narcotics Department in Wine Vendor-te hnena permit pek theih loh nia sawi chungchang sawifiaha thuchhuah a siam ah hemi chungchang hi tarlangin Mizoram Excise & Narcotics Department-in Wine Vendor permit a pekte zingah kumina Permit/Challan siam tum an tlem hle niin a tarlang a. Mizoram pumah tunhnai hian vendor 6 chiahin permit/challan an siam thu leh Aizawl bikah chuan Vendor 29 a\angin 17 chiahin kumin (2014) hian an license an renew thu tarlangin, Vendor te a\anga permit/challan siam dilna a awm si loh chuan Excise & Narcotics Department hian an hnenah a pe ngawt thei a nih loh thu tarlangin, Vendor-te hnen a\anga Permit/Challan siam dilna lo lut ang ang chu Excise & Narcotics Department hian a pe nghal zel tih tarlangin, hriatchian duh neite tan Department hotute zawhfiah theih reng an nih thu a tarlang a. Vendor-te hnen a\anga hriat dan chuan wine demand hi a hniamin a hralh pawh a kal ta lo deuhvin, kumin January thlaa wine an lak pawh hralh zawh lohin an la dah\ha nual tih a tarlang bawk.