Mizo \halai 25,000 te eizawnna pe turin Kumkhat chhungin hmalak tum a ni.

Kumkhat chhungin Mizo \halai 25,000 te eizawnna pe turin Skill Development hrang hrangah training buatsaih tum a ni tih Labour, Employment & Industrial Training Director, Pu Rotluanga chuan a sawi.

He thu hi Kuthnathawktute Ni, May Day puala inkhawm nimin a Aizawl-a I&PR Auditorium-a neih ah LE&IT Director, Pu Rotluanga chuan sawiin, \halai thiamna chher hriam tur hian sorkar laipui chuan National Skill Development Corporation a din thu a sawi a, hemi kaltlang hian Mizo \halai tam tak phai-ah thawnchhuah an nih tawh thu sawiin, YMA te nen \angkawpin mistiri training mi 598 tan buatsaih a nih tawh thu a sawi a. Nitin inhlawhfa a ei-zawngte tana buatsaih Building & Others Construction Workers Welfare Fund hnuaiah kum khat ah cheng vbc. 7 a\anga vbc. 8 inkar semchhuah \hin a nih thu a sawi a. Ramdangah chuan kut-hnathawktute chu sorkar hanthawk ai mah in sum an nei a, mahni an intodelh hle \hin a, Mizoram-ah erawh nikhat hlawh te a tlem \hin em vangin kuthnathawktute tan hian kawl a eng lo hle a, mahse khawvel changkanna in min nang chho zel angin, kan nikhat hlawh pawh a pung chho zel anga, sorkar hmalakna kaltlangin nakin ah chuan miin kuthnathawh hi a la hreh dawn lo a ni, a ti bawk.
    Khawvel pum huapa kuthnathawktute Ni, International Labour Day (May Day) puala inkhawm Aizawl-a neih hi Mizoram Labour Association buatsaih a neih a ni a, Central YMA President, Pu Lalbiakzuala pawhin he hun hi hmanpuiin ram leh hnam kan humhalh theih nana \angkai tak chu Mizoram chhunga hnathawh tur awm angte ramdang mite thawha dah mai lo a a ram neitute ngeiin thawh zel hi a ni, a ti bawk.