UDF |halai ten Chief Minister lakah FIR thehlut.

United Democratic Front (UDF) Coordination Committee (UDF) |halai Hqrs. Aizawl chuan nimin April 22, 2014 khan Aizawl Police Station-ah FIR thehlut in, Chief Minister Lal Thanhawla thil tih diklo hrang hrangte chhuichhuak tura an ngenna FIR an thehluh ah hian an tarlang.

Mizoram-a eptu pawl \halai intelkhawmna UDF Coordination Committee in Aizawl PS a FIR an thehluh ah hian, kum 2013 MLA General Election a an chak theihna tura Lal Thanhawla leh a thurualpui ten EVM khawihchingpen (Rig) nan cheng nuai 1,080 lai lachhuakin mi 28 zet hnenah an pe ngei nia K. Chhawnthuama’n a sawi chungchang chhui fiah tur te, ni 2.9.2009 a 1st IR Battalion te Saipum khaw bula lambun (Ambush) an nih \uma Mizo tlangval (Sipai 4) laiin nunna an chan bakah, midang 3 zet na taka hliam an nih naah khan a meizang hlaptu leh bul tumtu chu Lal Thanhawla s/o HP. Sailo (L) Zarkawt, niin, hemi atana ruahman leh inpuahchahna chu ama In Zarkawt, Aizawl ni ngeia hriat a nih thu te, kum 2008 vek khan Zoram Revolutionary Front (ZRF) te chu MLA te vau tur leh a theihna hmun apianga buaina siama, thisen chhuah leh kidnap mai bakah mi rikrap tur liau liau in hmanrua ah Lal Thanhawla hian a hmang a ni tih hriatchhuah a ni, tiin Aizawl PS a FIR an thehluh ah chuan tarlan a ni. FIR thehluttu UDF Coordination Commitee chuan, "FIR an thehluh chhan point 3 te chu alo dik a nih ngai chuan, a aia sual turu leh rapthlak a awm chuang lo a ni," an ti a, thilsual titu chu tupawh nise a phu tawk hremna pek a nih ngei theih nan a \ul anga hma laksak tura an ngenna an tarlang tel bawk. FIR an thehluh hi T. Lalhmangaiha, General Secretary, UDF Coordination Committee, UDF |halai Hqrs. hminga thehluh a ni a, FIR thehluhna ah hian UDF |halai engemawzatin an \awiawm a ni.