Kum 15 chhungin lirthei chesual ah mi 864 in nunna chan.

Mizoram-ah kum 15 kalta chhungin lirthei chesual a thi mi 864 an awm a, lirthei chetsualna vanga hliam tuar mi mi 2007 zet an awm bawk.

Kum 2000 a\anga Mizoram Police in Mizoram hmun hrang hranga lirthei chetsualna thlen dan record a neih a tarlan a nih danin kum 15 kalta (2000-2014) chhunga lirthei chesuala thi tam ber kum chu nikum (2013) kha niin, nikum chhung khan Mizoram hmun hrang hrangah lirthei chesual a thi mi 97 awmin, hliam tuar mi 281 an awm a, lirthei chesuala thi awm tlem ber kum chu kum 2003 niin, hemi kum hian lirthei chesuala thi 28 awmin, hliam tuar mi 78 an awm a ni. Kumin bikah chuan January a\anga May ni 15 inkar chhung khan Mizoram hmun hrang hrangah lirthei chetsualna vanga nunna chan mi 32 an awm a, lirthei chetsualna vanga hliam tuar zat tak erawh hriat mai theih a nilo thung.
    Aizawl Traffic Police-te'n lirtheia chetsualna an chhinchhiah danin, July leh August thlaah lirthei chesual a tam fal \hin a, December, January leh September thla in an dawt a. February thlaah lirthei chetsualna a thleng tlem \hin a, February thla bakah hian October leh November thlaah te chetsualna hi a thleng tlem viau \hin bawk. India rampum ang chuan nitin mi 380 motor accident vanga thi ziah ang an ni a, lirthei accident zinga zaa 25 chu Two Wheelers niin boral zinga zaa 20 chu Lirthei ke pahniha chuangte an ni a, kum 2011 a India rama Accident zirchiannaah chuan driver ten Road Accident a zaa 77.5 ah mawhphurin, kawng kal Mihring leh Thirsakawr khaltuten za a 3.7 mawh an phur a, kawng chhiat vanga Accident chu za ah 1.5 chauh an ni.