MBSE in HSSLC Exam 2014 result a tichhuak. Serchhip-a School te tihtha thawkhat

Mizoram Board of School Education (MBSE) chuan nimin May 8, 2014 khan Higher Secondary School Leaving Certificate Examination (HSSLC) 2014 Result a ti-chhuak a, a pumpui ah zirlai exam zinga 71.32% in an pass a ni.
Nimin a MBSE in HSSLC Exam result a tihchhuah ah Exam tura inziak lut zawng zawng mi 12,156 ah mi 8400 (71.32%) pass in, mi 3108 an hlawhchham thung a. Candidate exam lo mi 377 awm in, Exam laia hnawhchhuah pakhat an awm bawk a ni. Tun \uma pass zingah hian Distinction a pass 154, First Division-ah1461, Second Division-ah 2851 leh Third Division-ah 3934 an awm a, Compartmental chance nei mi 270 an awm a ni. Regular Exam-ah mi 8068 ah mi 6722 (84.10%) an passed a, Private exam mi 4088 ah mi 1678 (44.01%) an passed a, kumin hian mipa 68.43% an passed laiin, hmeichhia 74.17% an passed thung a ni. Arts Subject-ah mi 8731 exam-ah mi 5957 (70.77%) an passed a, a pumpui ah Sarah Vanlalmawii, Home Missions School, Aizawl chu pakhatna a ni a. Science Subject-ah mi 2414 exam-in mi 1810 (76.34%) an passed a, Gaby Lalmuanpuii, St.Paul’s Higher Secondary School Aizawl chu pakhatna niin, Commerce-ah mi 608 examin mi 446 (74.58%) an passed bawk a, a pumpui ah Aileen Malsawmdawngi, Oikos Higher Secondary School, Aizawl chu pakhatna a ni bawk. Trade pariat awmna Vocational Subject-ah zirlai za zela 47.70 in pass in Office Secretaryship latu Laltanpuia, Govt. Central Higher Secondary School chu pakhatna a ni bawk.
    Kumin a HSSLC result chhuakah hian Aizawl District-ah Arts Subject-ah 73.00%, Science-ah 79.03% leh Commerce-ah 78.03% in pass in Champhai District-ah Arts Subject-ah 65.05%, Science-ah 74.02% leh Commerce-ah 45.08% an pass a. Kolasib District-ah Arts Subject-ah 62.00% leh Science-ah 79.05% pass in Lawngtlai District-ah Arts Subject-ah 93% leh Commerce-ah 89.01% an pass bawk a. Lunglei District-ah Arts Subject-ah 62.04%, Science-ah 68.08% leh Commerce-ah 58.07% pass in Mamit District-ah Arts Subject-ah 68.02% in an pass a, Saiha District-ah Arts Subject-ah 47.03%, Science-ah 36.05% leh Commerce-ah 33.03% pass in Serchhip District-ah Arts Subject-ah 83.00%, Science-ah 78.03% leh Commerce-ah 53.09% in an pass bawk a ni.

Serchhip-a HSS te ti\ha thawkhat
    Mizoram Board of School Education (MBSE) in nimin a Higher Secondary School Leaving Certificate (HSLC) Examination-2014 result a tihchhuah ah Serchhip a zirna In pahnih te an ti\ha thawkhat hle. MBSE in nimin a HSSLC Exam result a tihchhuah ah hian Govt. Higher Secondary School Serchhip a\angin Arts-ah zirlai 65 ten Exam beiin 58 an pass a, Distinction-ah zirlai 1, Vanlal-sanga S/o Lianbuaia, Darnam Veng pass in 1st Div. ah 10, 2nd Div. ah 19 leh 3rd Div. ah 28 an pass a, Compartment chance nei 4 awmin Fail 3 an awm bawk a, pass percentage chu 89.23% a ni. GHSS-a Science-ah zirlai 28 ten exam beiin 27 an pass a, 1st Div-ah 3, 2nd Div-ah 21 leh 3rd Div-ah 3 pass in Compartment 1 a awm a, pass percentage chu 96.42 a ni a. Horti-ah zirlai pakhat exam in 1st Div-ah a pass bawk a ni. Heti hian GHSS Serchhip a\ang hian zirlai 94 ten exam in 86 an pass a, pass percentage chu 91.49 a ni. Hetihlai hian Lal Thanhawla Higher Secondary School Serchhip-ah Arts-ah zirlai 63 exam in 59 in an pass a, 1st Div-ah 16, 2nd Div-ah 24 leh 3rd Div-ah 19 pass in Compartment leh Fail 2 ve ve an awm a, pass percentage chu 93.65 a ni. He School-a Commerce Subject-ah zirlai 11 ten exam beiin mi 7 an pass thung a, 2nd Div-ah mi 1 leh 3rd Div-ah mi 6 an pass a, zirlai 4 fail in pass percentage chu 63.63 a ni. Heti hian Lal Thanhawla HSS Serchhip-ah hian a pumpuiah zirlai 74 exam in mi 66 an pass a, pass percentage chu 89.18 a ni bawk.


HSSLC result chhuak chungchangah zirlai pawl te lawm.
    MZP Gen. Hqrs. chuan nimin May 8, 2014 khan thuchhuah siamin MBSE in HSSLC Exam 2014 result felfai leh changtlung tak a ti chhuak thei chu lawmawm an tih thu an tarlang. Hemi chungchanga nimin a MZP thuchhuah chuan kumin ah hian Zirlai Exam mi 11778 zingah zirlai 8400 (71.32%) in hlawhtlinna changa an pass thu tarlangin, a hlawhtling te an lawmpui rualin a hlawhtling ve lo te pawh bei-dawng mai lova hlawhtling tura bei turin an chah a. Stream hrang hrang Arts, Science, Commerce leh Vocational stream-ah te Mizo zirlai ten Pa-khatna dinhmun an luah thei chu lawm-awm an tih thu an tarlang bawk. Hetihlai hian MSU pawhin nimin vek khan thuchhuah siam nghalin HSSLC Result nikum (2013)-a Pass Percentage 58.57% a nih laia kumin ah 71.32% nia hma kan sawnna chu lawmawm an tih thu an tarlang a. HSSLC Exam-a Stream hrang hrang (Arts, Science, Commerce, Vocational) a Top 10-a inziaktling zingah hnamdang hming 2/1 bak hmuhtur a awm ta lo chu lawmawm an tih thu tarlangin, HSSLC Result chhuak a hlawhtlinna chang zo ta lo te pawh hnual mai lo a, Pass ngei thei tura \an la thar deuh deuh turin an ngen nghal bawk.

Popular News

PAN CARD an tih teh fo hi - Laldinpuia

Hmeichhia te hmasawnna tura hmalakna chungchang thlirho.

anduai vanga thleng tih sawi